करमणूक कर केला रद्द; ‘या’ राज्यात बजेटपूर्वीच आनंदाचं वातावरण

करोना काळात सिनेसृष्टीलादेखील बसला आर्थिक फटका

केरळ राज्य सरकाराने राज्यातील सिनेसृष्टीला दिलासा देणारा निर्णय घेतला आहे. बजेटपूर्वीच केरळ सरकारने चित्रपटांवरील करमणूक कर माफ करण्याचा निर्णय घेतला आहे. त्यामुळे जानेवारी ते मार्च २०२१ या कालावधीतील सर्व कर माफ करण्यात येणार आहेत. केरळ सरकारने घेतलेल्या या निर्णयमामुळे सिनेसृष्टीत सध्या आनंदाचं वातावरण आहे.

लॉकडाउनच्या काळात प्रत्येकालाच कमी-अधिक प्रमाणात आर्थिक संकटाचा सामना करावा लागला आहे. हा आर्थिक फटका सिनेसृष्टीलादेखील बसला. त्यामुळे सिनेसृष्टीला दिलासा मिळावा यासाठी त्यांचा करमणूक कर माफ करण्याचा निर्णय घेण्यात आला आहे. विशेष म्हणजे या कर कपातीसोबतच गेल्या वर्षी मार्चे ते यंदाच्या मार्चपर्यंत वीज शुल्कामध्येही ५० टक्क्यांची कपात करण्यात आली आहे.

फिल्म चेंबर ऑफ कॉमर्सच्या अधिकाऱ्यांसह मुख्यमंत्री पिनाराई विजयन यांच्या अध्यक्षतेखाली यासंबंधीची बैठक पार पडली. या बैठकीत हे महत्त्वाचे निर्णय घेण्यात आले. यात देण्यात आलेल्या निवेदनानुसार, विजेच्या निर्धारित करण्यात आलेल्या शुल्कातही ५० टक्क्यांची कपात करण्याचा निर्णय घेतला आहे. तसंच चित्रपटगृहांवरील मालमत्ता कर मासिक हप्त्यांमध्ये जमा केला जाईल, असा निर्णय मंजूर करण्यात आला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Kerala government waives entertainment tax for cinema theatres ssj

Next Story
नाट्यरंग : ‘चित्रगोष्टी’ : चित्रं अन् जगण्याचं अन्योन्य नातं!
ताज्या बातम्या