अभिनेता आर. माधवन अनेक विषयांवर स्पष्टपणे त्याचं मत मांडत असतो. नुकतंच त्याने लाल सिंग चड्ढा चित्रपट फ्लॉप झाला, त्याबद्दल प्रतिक्रिया दिली. यावेळी त्याने बॉलिवूड चित्रपट फ्लॉप होण्याचं आणि दाक्षिणात्य चित्रपट सुपरहिट होण्यामागची काही कारणंही माधवनने सांगितली. माधवन बुधवारी मुंबईत त्याच्या आगामी ‘धोखा – राऊंड डी कॉर्नर’ या चित्रपटाच्या टीझर लॉन्च प्रसंगी उपस्थित होता. यावेळी त्याने आतापर्यंत फक्त सहाच दाक्षिणात्य चित्रपटांनी चांगली कामगिरी केली असल्याचं वक्तव्य केलं.

हेही वाचा – “आपण चुकीचा चित्रपट…”; बॉयकॉट ट्रेंडनंतर ‘लाल सिंग चड्ढा’ फ्लॉप झाल्याबद्दल आर. माधवनने मांडलं स्पष्ट मत

Kangana Ranaut
चित्रपटसृष्टीने आपल्याला अनेकदा अपमानित केले, कंगना राणावतचा न्यायालयात दावा
actor shreyas talpade debut in south indian movie
बॉलीवूड गाजवल्यानंतर आता मराठमोळा श्रेयस तळपदे करणार दाक्षिणात्य चित्रपटात पदार्पण, म्हणाला…
aamir-khan2
ठरलं! ‘या’ चित्रपटातून आमिर खान करणार दमदार कमबॅक; प्रदर्शनाबद्दल मिस्टर परफेक्शनिस्टचा खुलासा
prathamesh parab wife kshitija ghosalkar special ukhana
“प्रेम आमचं खरंय, नाही थिल्लर ‘टाइमपास’…”, प्रथमेश परबच्या पत्नीचा भन्नाट उखाणा! म्हणाली, “अहोंसाठी…”

दाक्षिणात्य चित्रपट हिट होण्याबद्दल माधवन म्हणाला, “काही मोजक्याच दाक्षिणात्य चित्रपटांच्या यशानंतर हिंदी चित्रपटांपेक्षा दाक्षिणात्य चित्रपट चांगले काम करतात, असा विचार करणे चुकीचे आहे. साऊथ इंडस्ट्रीतील मोजकेच चित्रपट आतापर्यंत सुपरहिट ठरले आहेत. तसेच याला पॅटर्न देखील म्हणता येणार नाही. कारण बाहुबली १, बाहुबली २, आरआरआर, पुष्पा, केजीएफ: भाग १ आणि केजीएफ: भाग २ हे फक्त सहा सुपरहिट चित्रपट आहेत, त्यामुळे त्याला आपण ट्रेंड म्हणू शकत नाही. चांगले चित्रपट आले तर ते नक्कीच हिट होतील, मग ते कोणत्याही भाषेतले असो.” प्रेक्षकांना चांगला कंटेंट दिल्यास ते सिनेमागृहात जाऊन कोणत्याही भाषेची पर्वा न करता सिनेमा पाहतील, असा विश्वास माधवनने व्यक्त केला.

हेही वाचा – ‘लाल सिंग चड्ढा’च्या वितरकांना आमिर खान नुकसान भरपाई देणार?, सत्य आलं समोर

माधवनने हिंदी चित्रपटांच्या फ्लॉपचे श्रेय करोना नंतरच्या काळात प्रेक्षकांच्या बदललेल्या पसंतींना दिले. “करोनानंतर, लोकांच्या आवडीनिवडी बदलल्या आहेत. त्यामुळे लोक ज्या प्रकारचे चित्रपट पाहतील, तसेच चित्रपट आपल्याला बनवावे लागतील. आपल्याला आणखी थोडे प्रगतीशील बनावे लागणार आहे,” असं तो म्हणाला.

दरम्यान, माधवन कुकी गुलाटी दिग्दर्शित ‘धोखा – राऊंड डी कॉर्नर’ या चित्रपटात दिसणार आहे. हा चित्रपट २३ सप्टेंबर रोजी सिनेमागृहात प्रदर्शित होणार आहे.