सोनी मराठी वाहिनीवर 'कुसुम' ही नवी मालिका प्रेक्षकांच्या भेटीला येते आहे. नुकताच त्याचा प्रोमो प्रदर्शित करण्यात आला आहे. संपूर्ण महाराष्ट्राची लाडकी अभिनेत्री शिवानी बावकर या मालिकेत मुख्य भूमिकेत दिसणार आहे. शीतली ही भूमिका साकारत शिवानीने सगळ्यांची मने जिंकली होती. या मालिकेत शिवानी सासर आणि माहेर अशा दोन्ही जबाबदाऱ्या पार पाडणाऱ्या मुलीच्या भूमिकेत दिसणार आहे. कुसुम ही आपल्या आईवडिलांसाठी, आपल्या कुटुंबासाठी सतत तत्पर असलेली आणि सासार आणि माहेर अशा दोन्ही जबाबदाऱ्या सांभाळणारी आहे. सासर जोडायला माहेरची नाळ तोडायची काय गरज, असा सगळ्या मुलींच्या मनातला प्रश्न या मालिकेतून मांडण्यात येणार आहे. आणखी वाचा : समांथा आणि नागा चैतन्यचा घटस्फोट! पोस्ट शेअर करत समांथाने दिली माहिती आणखी वाचा : नागा चैतन्यच्या 'पहिल्या पत्नी' विषयी समांथाने केला होता खुलासा आत्तापर्यंत या मालिकेचे तीन प्रोमो प्रदर्शित करण्यात आले आहेत. माहेरचं लाईट बील भरणारी, वडिलांना डॉक्टरकडे घेऊन जाणारी आणि सगळ्यांची उत्तम काळजी घेणारी कुसुम या प्रोमोमधून प्रेक्षकांना दिसली. दुनियेसाठी खपायचं आणि आई बापाला नाही जपायचं, असं कसं चालेल, असं म्हणत कुसुम सगळ्या जाबदाऱ्या उत्तम पार पाडते. हिंदीमध्ये कुसुम ही मालिका २००१ मध्ये प्रसारित झाली होती. या हिंदी मालिकेने त्यावेळीही प्रेक्षकांची मने जिंकली होती आणि अनेक रेकॉर्ड ब्रेक केले होते. त्यावेळी कुसुम या मालिकेत त्या काळच्या सामान्य मुलींच्या प्रश्नांना वाचा फोडली. आता पुन्हा एकदा जेव्हा कुसुम येते तेव्हा ती आताच्या काळातील मुली किंवा स्त्रियांचे प्रश्न सगळ्यासमोर मांडणार आहे. ज्या मुलींना आपल्या कुटुंबासाठी काही करायचं आहे त्या सगळ्यांना या मालिकेतून नक्कीच प्रेरणा मिळेल. आणखी वाचा : 'मी घाबरलो होतो'; नागा चैतन्यने सांगितला समंथासोबतच्या पहिल्या 'KISS'चा किस्सा या मालिके विषयी एकता कपूर म्हणाली, "२१ वर्षानंतर 'कुसुम' प्रेक्षकांच्या भेटीला पुन्हा येते आहे. मी खूप आनंदी आहे. सोनी मराठी वाहिनीवर प्रेक्षकांसमोर 'कुसुम' आणण्याची संधी मला मिळाली. 'कुसुम' ही मालिका मजा खूप जवळची आहे. मी मराठीमध्ये याआधीही काम केले आहे, पण खूप काळानंतर मी मराठीमध्ये पुन्हा येते आहे. प्रादेशिक भाषेमध्ये आणि खासकरून मराठीमध्ये खूप एक्सप्लोर करण्यासारखे आहे. आणि मी खूश आहे की सोनी मराठी वाहिनीने मला ही संधी दिली." पाहायला विसरू नका 'कुसुम', ४ ऑक्टोबरपासून, संध्या. ८:३० वा. सोनी मराठी वाहिनीवरून प्रेक्षकांच्या भेटीला येणार आहे.
