“माझ्यावर बलात्कार केला, मी गरोदर असताना…”; प्रसिद्ध पॉप सिंगर लेडी गागाचा धक्कादायक खुलासा

ओपरा विन्फ्रेच्या शोमध्ये लेडी गागाची हजेरी

lady-gaga

जगप्रसिद्ध पॉप सिंगर असलेल्या लेडी गागाने आजवर तिच्या गाण्यांमधून रसिकांना वेड लावलं आहे. मात्र नुकत्याच ओपरा विन्फ्रेला दिलेल्या मुलाखतीत लेडी गागाने आयुष्यातील काही धक्कादायक घटनांचा खुलासा केलाय. लेडी गागाने तिच्यावर झालेल्या लैगिंक अत्याचाराबद्दल भाष्य केलंय.

पॉप सिंगर लेडी गागाने ओपरा विन्फ्रेच्या शोमध्ये हजेरी लावली होती. या शोमध्ये लेडी गागाने तिच्यावर झालेल्या लैगिंक अत्याचारावर पुन्हा एकदा खळबळजनक खुलासा केला. ती म्हणाली, ” मी १९ वर्षांती होती. एक प्रोड्युसर मला म्हणाला, कपडे काढ. मी नाही म्हंटलं आणि तिथून निघून जात होते. माझे सर्व म्युझिक अल्बम जाळून टाकतील अशी धमकी त्यांनी दिली आणि ते थांबले नाही. त्यांनी मला विचारणं सुरूच ठेवलं मी एकदम स्तब्ध झाले नंतर काय घडलं मला तर काही आठवतही नाही.”

कारण माझ्यावर लैगिंक अत्याचार झाला होता

पुढे लेडी गागा म्हणाली, ” आधी मला असह्य वेदना झाल्या नंतर मी सुन्न झाले. त्यानंतर मी अनेक आठवडे मी आजारी होते. मी माझ्या पालकांसोबत घरी असतानाही प्रत्येक आठवड्याला मला वेदना होत होत्या. मग माझ्या लक्षात आलं या तशाच वेदना आहेत जेव्हा त्या व्यक्तीने माझ्यावर बलात्कार केला आणि मी गरोदर असताना मला एका कोपऱ्यात टाकून दिलं. कारण माझ्यावर लैगिंक अत्याचार झाला होता. मी काही महिन्यांसाठी एका स्टुडीओत कैद होते.” असा धक्कादायक खुलासा लेडी गागाने या शोमध्ये केला आहे.

 

View this post on Instagram

 

A post shared by Lady Gaga (@ladygaga)

माझ्या शरीराने त्या वेदना भोगल्या होत्या

या घटनेमुळे लेडी गागाला काही वर्ष मानसिक तणावाचा सामना करावा लागला होता.ती म्हणाली, ” काही वर्ष मी खूप वेगळी मुलगी होते. माझ्यावर जेव्हा बलात्कार झाला त्यावेळी जाणवलेल्या वेदवा मला सतत जाणवत राहिल्या. मी खूप एमआयआर आणि स्कॅन केले पण डॉक्टरांना काहीच आढळून आलं नाही. पण माझ्या शरीराने त्या वेदना भोगल्या होत्या.” असं ती म्हणाली.

लेडी गागा लवकरच ‘हाउस ऑऱ गूची’ या सिनेमात झळकणार आहे. या सिनेमाच्या सेटवरील फोटो काही दिवसांपूर्वी सोशल मीडियावर लीक झाले होते. याच लेडी गागा व्हाईट गाउनमध्ये वधूच्या वेशभूषेत दिसत होती. त्यामुळे लेडी गागाने लग्न केलं अशा अफवा उडाल्या होत्या.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Lady gaga recalls painfull sexual assault in oprah winfrey show said raped me dropped me off pregnant kpw

Next Story
नाट्यरंग : ‘चित्रगोष्टी’ : चित्रं अन् जगण्याचं अन्योन्य नातं!
ताज्या बातम्या