‘महाराष्ट्राची हास्यजत्रा’ आता आठवड्यातून ३ दिवस

‘महाराष्ट्राची हास्यजत्रा’ हा प्रेक्षकप्रिय कार्यक्रम आता आठवड्यातून सोमवार, मंगळवार आणि बुधवार असे तीन दिवस रात्री ९ वाजता सोनी मराठी वाहिनीवरून दाखविण्यात येणार आहे. या नव्या पर्वाची सुरुवात १५ जूनपासून होणार असून हास्याची ही मैफल आता आणखी रंगतदार होणार आहे.

ताणतणावाने भरलेल्या धकाधकीच्या जीवनात काही क्षण मनमुराद हसण्यासाठी प्रेक्षक या कार्यक्रमाची आतुरतेने वाट पाहत असतात. कार्यक्रमातील प्रत्येक कलाकाराने आपल्या अनोख्या शैलीत साकारलेल्या व्यक्तिरेखा आणि सादर केलेले विनोदी प्रसंग प्रेक्षकांच्या मनात कायमचे घर करून गेले आहेत.

या कार्यक्रमाला आणि त्यातील सर्वच कलाकारांना उत्स्फूर्त प्रतिसाद आणि कार्यक्रमाबद्दलची वाढती मागणी यामुळेच सोनी मराठीने ‘महाराष्ट्राची हास्यजत्रा’ आणखी एका दिवसासाठी वाढवण्याचा निर्णय घेतला आहे.