scorecardresearch

Video : आधी भावाला गमावलं आता आईचं निधन, इंदिरा देवी यांना अखेरचा निरोप देताना महेश बाबूला अश्रू अनावर

अभिनेता महेश बाबूची आई आई इंदिरा देवी यांचे आज निधन झालं. त्यांच्या अत्यंसंस्कारादरम्यानचा महेश बाबूचा व्हिडीओ सोशल मीडियावर व्हायरल होत आहे.

Video : आधी भावाला गमावलं आता आईचं निधन, इंदिरा देवी यांना अखेरचा निरोप देताना महेश बाबूला अश्रू अनावर
अभिनेता महेश बाबूची आई आई इंदिरा देवी यांचे आज निधन झालं. त्यांच्या अत्यंसंस्कारादरम्यानचा महेश बाबूचा व्हिडीओ सोशल मीडियावर व्हायरल होत आहे.

दाक्षिणात्य चित्रपटसृष्टीमधील लोकप्रिय अभिनेता महेश बाबूची आई इंदिरा देवी यांचे आज (२८ सप्टेंबर) निधन झाले आहे. त्या ७० वर्षांच्या होत्या. गेल्या काही दिवसांपासून हैद्राबादमधील एआयजी रुग्णालयात त्यांच्यावर उपचार सुरु होते. मात्र आज सकाळी ४ वाजता त्यांनी अखेरचा श्वास घेतला. महेश बाबू यांच्या आईच्या निधनानंतर दाक्षिणेतील अनेक कलाकारांनी शोक व्यक्त केला आहे. महेश बाबूचा आईच्या अंत्यसंस्कारादरम्यानचा एक व्हिडीओ सध्या सोशल मीडियावर व्हायरल होत आहे.

हैद्राबाद येथील पद्मालय स्टुडिओ येथे इंदिरा देवी यांचं पार्थिव ठेवण्यात आलं होतं. इंदिरा देवी यांच्या अंत्यदर्शनासाठी दिग्गज दाक्षिणात्य कलाकार उपस्थित होते. विजय देवरकोंडा, राणा दग्गुबती, नागार्जुन, अदिवी शेष यांसारखे कलाकार यावेळी इंदिरा देवी यांच्या अंतिम संस्कारासाठी पोहोचले. यावेळी महेश बाबूला अश्रू अनावर झाले.

पाहा व्हिडीओ

आपल्या आईला अखेरचा निरोप देताना महेश बाबू भावुक झाल्याचं व्हायरल व्हिडीओमध्ये दिसून येत आहे. त्याचा हा व्हायरल व्हिडीओ पाहून त्याच्या चाहत्यांनी सोशल मीडियाच्या माध्यमातून इंदिरा देवी यांना श्रद्धांजली वाहिली आहे.

आणखी वाचा – दाक्षिणात्य सुपरस्टार महेश बाबू यांच्या आईचे निधन

महेश बाबू यांचे वडील आणि सुपरस्टार कृष्णा गारु यांनी दुसरं लग्न केलं होतं. इंदिरा देवी या त्यांच्या पहिल्या पत्नी होत्या. कृष्णा गारु यांच्यापासून विभक्त झाल्यानंतर त्या एकट्याच राहत होत्या. महेश बाबू यांच्या अनेक कार्यक्रमात इंदिरा देवी आवर्जून उपस्थित असायच्या. कृष्णा गारु आणि इंदिरा देवी यांचा महेश बाबू हा चौथा मुलगा आहे. महेश बाबूचा भाऊ निर्माते रमेश बाबू यांचंही याच वर्षाच्या सुरुवातीला निधन झालं.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 28-09-2022 at 16:50 IST

संबंधित बातम्या