Mammootty : “चित्रपट म्हणजे समाजाचं प्रतिबिंब, त्यात..” ; हेमा समितीच्या अहवालावर अभिनेते मामुट्टींनी सोडलं मौन

हेमा समितीचा अहवाल आल्यानंतर काय घडलं?

हेमा समितीचा अहवाल समोर आल्यानंतर मॉलिवूडमधल्या अनेक महिलांनी पुढे येऊन त्यांच्यावर झालेल्या अत्याचाराला वाचा फोडली. यामध्ये मेक-अप आर्टिस्ट, सहाय्यक दिग्दर्शक म्हणून काम करणाऱ्या महिला, अभिनेत्री या सगळ्यांचाच समावेश आहे. काम हवं असेल तर निर्माते, अभिनेते, सिनीयर मेक अपमन यांच्यासह शय्यासोबत करावी लागते, त्याशिवाय काम मिळत नाही. तसंच तक्रार केली तर काम मिळणं बंद होतं हा आणि असे अनेक आरोप या दरम्यान झाले आहेत. या अहवालामुळे आणि कलाकारांनी केलेल्या आरोपांमुळे मॉलिवूड हादरलं आहे. याच घटनांबाबत मामुट्टी ( Mammootty ) यांनी एक पोस्ट लिहिली आहे.

नक्की वाचा

Kerala Actress : “दिग्दर्शक मला म्हणायचा तू मुलीसारखी आहेस, त्याने वर्षभर बलात्कार केला आणि..”, अभिनेत्रीची आपबिती

Bigg Boss 18 : गुणरत्न सदावर्तेंची शोमध्ये एन्ट्री,…

UP School : धक्कादायक! डब्यात नॉनव्हेज आणल्यामुळे विद्यार्थ्याला शाळेतून काढून टाकलं; नेमकी कुठे घडली घटना?

सुपरस्टार रजनीकांत, नागार्जुन अन् ‘बाहुबली’ फेम सत्यराज; ‘या’ चित्रपटात दाक्षिणात्य दिग्गजांची मांदियाळी, पोस्टर प्रदर्शित

Varsha Usgaonkar : वर्षा उसगांवकर यांच्या फिटनेसचं रहस्य काय? कॅरीमल कस्टर्ड खात म्हणाल्या, “मी रोज…”

IC-814: The Kandahar Hijack: कंदहार हायजॅक वेबसीरीजमध्ये अतिरेक्यांची हिंदू नावे; वाद उफाळल्यानंतर नेटफ्लिक्सनं दिलं उत्तर

गर्भपात करायला भाग पाडलं, फसवणूक केली; एक्स गर्लफ्रेंडने पुरावे दिल्यावर प्रसिद्ध अभिनेत्याविरोधात आरोपपत्र दाखल

Renukaswamy Case Chargesheet: ‘लिव्ह इनमध्ये ये, महिन्याला १० हजार देतो’, चाहत्याची अभिनेत्रीला ऑफर; हत्या होण्यापूर्वी पाठवले गुप्तांगाचे फोटो

हे पण वाचा- “घृणास्पद कृत्य घडत असताना ‘मला फोटो काढू द्या’ असं पीडितांनी म्हणायचं का?” पुराव्यांबद्दल ज्येष्ठ अभिनेत्रीचा सवाल

मामुट्टींची पोस्ट काय आहे?

सिनेमा हा समाजाचं प्रतिबिंब असतो, ज्या चांगल्या आणि वाईट गोष्टी समाजात घडतात त्याच चित्रपटांमध्येही घडतात. सिनेसृष्टीबाबत लोकांना कायमच आकर्षण असतं त्यामुळे इथे काय घडतं? ती अगदी छोट्यातली छोटी गोष्ट असली तरीही समाजाचं याकडे लक्ष असतं. सिनेसृष्टीत टाचणी पडली तरीही माध्यमांमध्ये, समाजात त्याची मोठ्या प्रमाणावर चर्चा होते. सिनेमा तयार करणाऱ्या प्रत्येक घटकाने काळजीपूर्वक काम केलं पाहिजे आणि नकोशा वाटतील अशा गोष्टी घडू नयेत यासाठी आवश्यक खबरदारी घेतली पाहिजे.” असं मामुट्टींनी ( Mammootty ) म्हटलं आहे.

अनेक दुर्दैवी गोष्टी घडल्या आहेत

पुढे मामुट्टी म्हणतात, “जस्टिस हेमा समिती सरकारने स्थापन केली आहे. त्यानंतर काही दुर्दैवी आणि सिनेसृष्टीबाबत ऐकायला आवडणार नाहीत अशा गोष्टी समोर आल्या आहेत. या गोष्टींमधून धडा घेऊन पुढे गेलं पाहिजे आणि या गोष्टी घडणार नाहीत याची काळजी घेतली पाहिजे. हेमा समितीच्या अहवालात जे निर्देश आणि सूचना आम्हा कलाकार, दिग्दर्शक आणि निर्मात्यांना दिल्या आहेत त्यांचं काटेकोर पालन झालं पाहिजे. या सूचना आणि निर्देशांचा मी आदर करतो. मॉलिवूडनेही या निर्देशांचं आणि सूचनांचं पालन केलंच पाहिजे, त्यासाठी कुठल्याही अटी नकोत. दुसरीकडे ज्या काही तक्रारी आल्या आहेत त्यांचा तपास पोलीस करत आहेत. न्यायालय दोषींना योग्य शिक्षा करेल.” असंही मामुट्टींनी ( Mammootty ) म्हटलं आहे.

मल्याळी सिनेसृष्टीत कुठलेही पॉवरग्रुप नाहीत

मामुट्टी यांनी त्यांच्या पोस्टमध्ये मॉलिवूडमध्ये कुठलेही पॉवर ग्रुप वगैरे नाहीत असंही स्पष्ट केलं आहे. सिनेमा हे मनोरंजनाचं माध्यम आहे. ज्या गोष्टी घडल्या त्या दुर्दैवी आहेत पण सरतेशेवटी सिनेमा वाचला पाहिजे हीच अपेक्षा आहे असंही मामुट्टींनी म्हटलं आहे.