Video : बालगंधर्व रंगमंदिरातील घाणेरड्या वॉशरूम्सवर अमृता देशमुखचा संताप, म्हणाली, "सांस्कृतिक शहर म्हणायचं आणि…"

Amruta Deshmukh Angry Video : बालगंधर्व रंगमंदिरातील घाणेरड्या वॉशरूम्सवर अमृता देशमुखचा संताप, व्हिडीओ शेअर करत दाखवली सत्यस्थिती

Marathi actress Amruta Deshmukh angry on Pune Balgandharva theatre unclean washrooms urges improve facilities for artists and audiences also video viral

बालगंधर्व रंगमंदिरातील अस्वच्छतेवर संतापली अमृता देशमुख (फोटो : व्हिडीओतून स्क्रीनशॉट)

Amruta Deshmukh Angry On Balgandharva Theatre Management : मराठी मनोरंजनसृष्टीत नाटकांची परंपरा जाज्वल्य आहे. त्यातून आजही मराठी नाटकं पाहायला मराठी तसेच अमराठी प्रेक्षक तूफान गर्दी करताना दिसतात. मात्र, या प्रेक्षकांना अनेकदा नाट्यगृहांच्या खराब् अवस्थेला सामोरे जावे लागते. एसी वा पंखे सुरू नसणे, आसनव्यवस्था व्यवस्थित नसणे अशा अनेक तक्रारी प्रेक्षक व्यक्त करताना दिसतात. प्रेक्षकांसह कलाकार मंडळीसुद्धा नाट्यगृहांच्या खराब अवस्थेवर आपला संताप आणि नाराजी व्यक्त करताना दिसतात.

याआधी प्रशांत दामले, भरत जाधव, विशाखा सुभेदार यांसारख्या कलाकारांनी नाट्यगृहांच्या खराब अवस्थेबद्दल प्रतिक्रिया व्यक्त केल्या आहेत. अशातच आता मराठी अभिनेत्री अमृता देशमुखनं पुण्यातील एका नाट्यगृहाच्या स्वच्छतेबद्दल तक्रार केली आहे. अभिनेत्रीनं थेट व्हिडीओ शेअर करीत नाट्यगृहामधील परिस्थिती दाखवली आहे. अमृतानं नेमकं काय म्हटलंय?

सोशल मीडियावर शेअर केलेल्या व्हिडीओमध्ये अमृता म्हणते, “आता बालगंधर्व रंगमंदिरमध्ये आमचा ‘नियम व अटी लागू’ नाटकाचा प्रयोग आहे. पुण्यातल्या कित्येक नाट्यगृहांमध्ये वॉशरूम्स स्वच्छ असतात. याआधी आम्ही विठ्ठलराव तुपे नाट्यगृहात प्रयोग केला; पण बालगंधर्व रंगमंदिर नाट्यगृहाची नेहमीची रड आहे. इथे अतिशय घाणेरडे वॉशरूम्स आहेत. बॅकस्टेजला जाताच एक घाणेरडा वास येतो. VIP रूम्सचं नूतनीकरण करून, तिथे जो पैसा वाया घालवला जातो, त्याऐवजी बाकी खोल्या आणि वॉशरूम्सची सुधारणा करावी एवढी माफक अपेक्षा आहे. तिथल्या खोल्यांत असलेल्या वॉशरूम्सची अवस्था तर खूपच वाईट आहे. आता प्रयोगाच्या पाच मिनिटं आधी आता येथे स्वच्छता कर्मचारी आले आहेत.”

अभिनेत्रीनं पुढे खराब स्वच्छतागृहाची संपूर्ण परिस्थिती व्हिडीओद्वारे दाखवली आहे. दरम्यान, अभिनेत्री त्या स्वच्छता कर्मचाऱ्याशी स्वच्छतेसाठी भांडली असल्याचंसुद्धा या व्हिडीओमध्ये पाहायला मिळत आहे.

त्यानंतर ती संतापून म्हणाली, “हे इतकं जुनं रंगमंदिर आहे, जिथे सतत प्रयोग होत असतात. सतत अनेक दिग्गज लोक येत असतात. अनेक राजकीय आणि सांस्कृतिक कार्यक्रम येथे होत असतात. तरीसुद्धा या रंगमंदिराची अशी दुर्दशा कायमच असते. त्यासाठी कोण जबाबदार आहे, हे तिथल्या मॅनेजमेंटनं बघितलं पाहिजे. बाकी मला कुठल्याच गोष्टीत काहीच रस नाही.”

हेही वाचा

४० कोटींच्या बजेटमध्ये बनलेला रितेश देशमुखचा ‘हा’ सिनेमा ओटीटीवर होतोय रिलीज, कधी व कुठे पहाल? वाचा…

बालगंधर्व रंगमंदिरातील अस्वच्छतेवर संतापली अमृता देशमुख

View this post on Instagram

A post shared by Amruta Deshmukh (@khwabeeda_amruta)

हेही वाचा

Bigg Boss Marathi 6 मधील करण सोनावणेसाठी ‘महाराष्ट्रीयन भाऊ’ प्रणित मोरेची खास पोस्ट; म्हणाला…

या व्हिडीओखालील कॅप्शनमध्येही तिनं तिचा संताप व्यक्त केला आहे. तसेच तिनं काही प्रश्नदेखील उपस्थित केले आहेत. “आर्टिस्ट येतात, मनापासून प्रयोग करतात, निघून जातात… म्हणून किती गृहीत धरावं. साडीत उंदीर काय जातो, डास काय चावतात. प्रेक्षक नाटकाच्या प्रेमापोटी येतात, जातात. त्यांनापण असंच गृहीत धरायचं? कधी बदलणार ही परिस्थिती? सांस्कृतिक शहर म्हणायचं आणि तिथल्या एका नावाजलेल्या नाट्यगृहाची ही अवस्था?” असे काही थेट प्रश्नदेखील तिने विचारले आहेत.

Video : बालगंधर्व रंगमंदिरातील घाणेरड्या वॉशरूम्सवर अमृता देशमुखचा संताप, म्हणाली, “सांस्कृतिक शहर म्हणायचं आणि…”

बालगंधर्व रंगमंदिरातील अस्वच्छतेवर संतापली अमृता देशमुख