अभिनेत्री सोनाली कुलकर्णी सोशल मीडियाद्वारे आपल्या खासगी आयुष्याबाबतही व्यक्त होताना दिसते. काही महिन्यांपूर्वी सोनालीच्या अगदी जवळच्या व्यक्तीचं निधन झालं. सोनालीने इन्स्टाग्राम अकाऊंटद्वारे व्हिडीओ पोस्ट करत याबाबत माहिती दिली होती. त्यानंतर गणेशोत्सवही साजरा न करण्याचं तिने ठरवलं. यंदा कुलकर्णी कुटुंबियांच्या घरी गणरायाचं आगमन झालं नाही. आतादेखील तिने एक भावुक पोस्ट शेअर केली आहे. आणखी वाचा - Video : …अन् शोकसभेदरम्यान राजू श्रीवास्तव यांच्या पत्नी ढसाढसा रडल्या, म्हणाल्या, “आयुष्यच संपलं…” आजपासून नवरात्रोत्सवला सुरुवात झाली आहे. याचनिमित्त सोनालीने एक पोस्ट शेअर केली. तसेच या पोस्टद्वारे तिने सगळ्यांना नवरात्रीच्या शुभेच्छा दिल्या आहेत. पण आजीच्या निधनानंतर सोनाली फारच भावुक झाली होती. आतादेखील नवरात्रीनिमित्त तिने आजीसाठी भावुक पोस्ट शेअर केली आहे. ती म्हणाली, "आज घटस्थापना. माझी आजी घट बसवायची. आज ती नसली तरी मनाच्या देवाऱ्यातील नवदुर्गांमध्ये पहिली जागा कायम तिचीच असेल. तुम्हा सर्वांना नवरात्रीच्या हार्दिक शुभेच्छा." सोनालीने यावेळी आजीसह गोड फोटो शेअर केला आहे. तसेच तिला आज आजीची खूप आठवण येत असल्याचं या पोस्टद्वारे दिसून येतं. आणखी वाचा - ‘महाराष्ट्राची हास्यजत्रा’मधून ब्रेक घेत गौरव मोरे लंडनला रवाना, पोस्ट शेअर करत म्हणाला, “खूप भारी…” सोनाली तिच्या आजीच्या खूप जवळ होती. आपल्या आजीच्या निधनानंतर सोनालीने पोस्ट शेअर करत म्हटलं होतं की, “आजी तू आमच्यात असशील…आम्ही असेपर्यंत.” सोनालीने तिच्या लग्नातच तिची आजी डान्स करत असताना व्हिडीओही इन्स्टाग्राम अकाऊंटद्वारे शेअर केला होता.
