सुप्रसिद्ध मराठमोळ्या अभिनेत्रीला नेमकं झालं तरी काय? पोस्ट शेअर करत दिली माहिती
मराठमोळी अभिनेत्री पूजा सावंत सोशल मीडियावर नेहमीच सक्रिय असते. मराठी चित्रपटसृष्टीपासून ते अगदी बॉलिवूड चित्रपटांवरही आपल्या अभिनयाची छाप सोडणाऱ्या पूजाचा ‘दगडी चाळ २’ हा प्रदर्शित झालेला शेवटचा चित्रपट. पूजा सध्या तिच्या आगामी प्रोजेक्ट्समध्ये काम करण्यात व्यग्र आहे. मात्र काम करत असताना तिला आजारपणाचा सामना करावा लागत आहे.
तुमची नोंदणीशिवाय वाचनाची मर्यादा संपली आहे.
वाचन सुरू ठेवण्यासाठी कृपया नोंदणी करा अथवा साइन इन करा.
कामाबाबत असो वा खासगी आयुष्याबाबत पूजा प्रत्येक माहिती सोशल मीडियाद्वारे चाहत्यांपर्यंत पोचवते. आताही गेले दोन दिवस ती विविध पोस्ट इन्स्टाग्राम अकाऊंटद्वारे शेअर करत आहे. व्हायरल इन्फेक्शनमुळे पूजा सध्या घरीच आहे. तिला शारिरीक त्रास सहन करावा लागत आहे. याबाबत तिने स्वतःच माहिती दिली होती.
आता पुन्हा एकदा तिने फोटो शेअर करत नवी माहिती दिली. या फोटोमध्ये ती झोपलेली दिसत आहे. तसेच तिची प्रकृती आता कशी आहे याबाबत पूजाने सांगितलं. पूजा म्हणाली, “माझं खूप काम बाकी आहे. पण मला बोलणं व चालणंही कठीण झालं आहे. मला या आजारपणाचा राग येतो. तरीही आपल्या आरोग्याची काळजी महत्त्वाची आहे. तुम्ही स्वतःची आणि इतरांचीही काळजी घ्या”.
याचबरोबरन पूजाने सगळ्यांना मास्क घालण्याचा सल्ला दिला आहे. पूजाने तिला हा त्रास नेमका कशामुळे होत आहे? हे उघड केलं नाही. पण या पोस्टबरोबरच तिने एक व्हिडीओ शेअर केला होता. या व्हिडीओमध्ये पूजाची बहिण तिला औषधी काढा देताना दिसत आहे. आजारपणानंतर पूजा लवकरच तिच्या पुढीला कामाला सुरुवात करेल.
