“या सिनेमाच्या संवादांनी…”, ‘बाईपण भारी देवा’ फेम अभिनेत्रीची पोस्ट चर्चेत; म्हणाली, “या चित्रपटासाठी…”

हेही वाचा- ‘बाईपण भारी देवा’ चित्रपटाबद्दल केदार शिंदेंचा मोठा खुलासा, म्हणाले “याचा शेवट…”

चित्रपटात सुरुचीने शशीची (वंदना गुप्ते) मुलगी चिन्मयीचे पात्र साकारले आहे. या चित्रपटाला मिळत असलेल्या प्रतिसादाबद्दल अभिनेत्री सुरुचीने सोशल मीडियावर एक पोस्ट शेअर केली आहे. या पोस्टच्या माध्यमातून तिने चित्रपट करताना आलेला अनुभव शेअर केला आहे. तसेच चित्रपटला मिळणाऱ्या प्रतिसादाबद्दल प्रेक्षकांचे आभारही मानले आहेत.

सुरुची अडाळकरची पोस्ट

क

सर्वप्रथम “बाईपण भारी देवा” या सुंदर कलाकृतीचा मला भाग होता आलं ह्यासाठी @kedarshindems sir आणि @officialjiostudios @saneness_ sir यांचे खूप आभार… सातत्याने चांगलं काहीतरी करण्याचा प्रयत्न प्रत्येक कलाकार करत असतोचं पण तो करत असताना जेव्हा एखाद्या मोठ्या कलाकाराची साथ मिळते तेव्हा ती कला काही वेगळीचं बहरते, इथे तर मला १ नाही तब्बल ६ गुणी कलाकरांबरोबर काम करण्याचा मान मिळाला याचा आनंद कायमसाठी पुरेल. ह्या सिनेमाच्या dialoguesनी काम करत असतानाचं आमच्या मनात घर केलं होतं जे आज तुमच्या मनात होताना आम्ही पाहतोय आणि तुम्हा प्रेक्षकांची मायेची थाप ही अनुभवतोय.. जी सिनेमासाठी आणि त्या सिनेमा मधल्या प्रत्येकासाठी फार महत्वाची असते म्हणूनचं तुम्ही या सिनेमावर जो प्रेमाचा वर्षाव केलात त्या बद्दल आम्ही कायमचं तुमचे ऋणी राहू.असेच आशीर्वाद मायबाप प्रेक्षक तुमचे कायम पाठीशी रहुद्या

सुरुचीच्या वर्कफ्रंटबाबत बोलायचं झालं तर झी मराठीवरील ‘का रे दुरावा’ मालिकेतून सुरुचीला ओळख मिळाली होती. .या मालिकेतील तिच्या भूमिकेला प्रेक्षकांनी खूप पसंती दिली होती. सध्या सुरुची सोनी टीव्हीवरील ‘छोट्या बयोची मोठी स्वप्ने’ मालिकेत काम करत आहे.

हेही वाचा- “केदार शिंदे तुम्ही करुन दाखवलात”, प्रसिद्ध मराठमोळ्या अभिनेत्रीच्या पोस्टने वेधलं लक्ष, म्हणाली “बाईपण भारी देवा…”

दरम्यान या चित्रपटाने बॉक्स ऑफिसवर जबरदस्त कमाई केली आहे. दहा दिवसांमध्ये या चित्रपटाने एकूण २६.१९ कोटींचा गल्ला जमवला आहे. या चित्रपटात रोहिणी हट्टंगडी, वंदना गुप्ते, सुकन्या कुलकर्णी, शिल्पा नवलकर, सुचित्रा बांदेकर आणि दीपा परब यांच्या प्रमुख भूमिका आहेत.