‘बिग बॉस मराठी’चं चौथं पर्व अनेक कारणांमुळे चर्चेत राहिलं. यंदाच्या पर्वात सुप्रसिद्ध मराठमोळी अभिनेत्री अपूर्वा नेमळेकर सहभागी झाली होती. अपूर्वाने तल्लख बुद्धी व उत्तम खेळाच्या जोरावर टॉप २ मध्ये स्थान मिळवलं होतं. परंतु तिला दुसऱ्या स्थानावर समाधान मानावं लागलं.

या बातमीसह सर्व प्रीमियम कंटेंट वाचण्यासाठी साइन-इन करा

‘बिग बॉस’नंतर आता मराठी चित्रपटातून प्रेक्षकांच्या भेटीला येणार आहेत. अपूर्वा ऐतिहासिक मराठी चित्रपटात महत्त्वाची भूमिका साकारताना दिसणार आहे. ‘रावरंभा’ या मराठी चित्रपटातून पुन्हा एकदा प्रेक्षकांचं मनोरंजन करण्यासाठी अपूर्वा सज्ज झाली आहे. इन्स्टाग्रामवर व्हिडीओ शेअर करत ही माहिती अपूर्वाने दिली आहे.

हेही वाचा>> ‘मास्टरशेफ ऑफ इंडिया’चे टॉप ३ स्पर्धक समोर, महाराष्ट्राच्या सुवर्णा बाजी मारणार का? पोस्ट शेअर करत म्हणाल्या “श्री स्वामी समर्थ…”

हेही वाचा>> राघव चड्ढा यांनी शेअर केलेल्या ‘त्या’ व्हिडीओला परिणीती चोप्राने केलं लाइक; नेटकरी म्हणाले “लग्नाची तारीख…”

‘रावरंभा’ चित्रपटाचा टीझर नुकताच प्रदर्शित करण्यात आला आहे. या चित्रपटातून एक अनोखी प्रेमकहाणी पडद्यावर पाहायला मिळणार आहे. या चित्रपटाच्या प्रमोशनला सुरुवात झाली असून नुकतीच चित्रपटाच्या टीमने साताऱ्यातील एका कार्यक्रमात हजेरी लावली. ‘रावरंभा’ चित्रपटात अपूर्वा नेमळेकरसह शंतनू मोघे, अशोक समर्थ, मोनालिसा बागल हे कलाकारही महत्त्वाच्या भूमिका साकारताना दिसणार आहेत. हा चित्रपट १२ मेला सर्वत्र प्रदर्शित होणार आहे.

हेही वाचा>> वडिलांचं निधन, आत्महत्येचा विचार अन्…; राहुल गांधींचा उल्लेख करत प्रसिद्ध अभिनेत्री व माजी खासदाराने सांगितला ‘तो’ प्रसंग, म्हणाली, “माझ्या आयुष्यात…”

‘आभास हा’ मालिकेतून छोट्या पडद्यावर पदार्पण केलेल्या अपूर्वाने अनेक मालिका व नाटकांमध्ये काम केलं आहे. ‘रात्रीस खेळ चाले’ मालिकेतील तिने साकारलेली ‘शेवंता’ ही भूमिका प्रेक्षकांच्या भलतीच पसंतीस पडली होती.

मराठीतील सर्व मराठी सिनेमा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Bigg boss marathi 4 fame apurva nemlekar to play role in raavrambha historical movie kak