'वेडात मराठे वीर दौडले सात' हा ऐतिहासिक मराठी चित्रपट घोषणा झाल्यापासूनच चर्चेत आहे. महेश मांजरेकर दिग्दर्शन करीत असलेल्या या चित्रपटाचं शूटिंग सुरू झालं आहे. या चित्रपटात 'बिग बॉस मराठी' फेम जय दुधाणे महत्त्वाची भूमिका साकारताना दिसणार आहे. जय दुधाणे 'वेडात मराठे वीर दौडले सात' चित्रपटासाठी खूप मेहनत घेत आहे. जयचा जीममधील व्हिडीओ समोर आला आहे. या व्हिडीओमध्ये जय व्यायाम करताना दिसत आहे. जयने त्याच्या इन्स्टाग्राम अकाऊंटवरुन हा व्हिडीओ शेअर केला आहे. या व्हिडीओमध्ये महेश मांजरेकरांबरोबर चित्रपटातील इतरही कलाकार दिसत आहेत. हेही वाचा>> “उर्फी जावेद तृतीयपंथी आहे” प्रसिद्ध अभिनेत्याचा अजब दावा; म्हणाला, “तिने…” जीममधील या व्हिडीओला जयने "बायसेप्स विथ गुरुजी…माझे दोन पाठिंबे…महेश सर, प्रविण सर काय बोलत असतील?" असं कॅप्शन दिलं आहे. जयचा हा व्हिडीओ सध्या चर्चेत आहे. याआधीही 'वेडात मराठे वीर दौडले सात' चित्रपटाचे शूटिंगदरम्यानचे व्हिडीओ व्हायरल झाले होते. हेही वाचा>> “अशोक मामांना भेटणं…” ‘महाराष्ट्राची हास्यजत्रा’ फेम निखिल बनेची पोस्ट चर्चेत 'वेडात मराठे वीर दौडले सात' चित्रपटात जय दुधाणेबरोबर उत्कर्ष शिंदे, प्रविण तरडे, विशाल निकम हे कलाकारही महत्त्वाच्या भूमिकेत दिसणार आहेत. या चित्रपटात बॉलिवूड अभिनेता अक्षय कुमार छत्रपती शिवाजी महाराजांची भूमिका साकारणार आहे.
