“हे देशाला घडवणारं काम…” राजकारणात प्रवेश करण्याबद्दल नागराज मंजुळेंची स्पष्ट भूमिका

या मुलाखतीदरम्यान चित्रपटाच्या चित्रीकरणादरम्यानचे किस्से, शिवाय इतरही बऱ्याच गोष्टींवर नागराज मंजुळे यांनी संवाद साधला. नागराज त्यांच्या चित्रपटातून वेगवेगळ्या सामाजिक समस्यांवर भाष्य करत असतात तर भविष्यात या समाजात बदल घडवण्यासाठी पुढेमागे राजकारणात यायची संधी मिळाली तर ते या क्षेत्रात येण्यास इच्छुक आहेत की नाहीत? या प्रश्नाचं नागराज त्यांनी त्यांच्या खास शैलीत उत्तर दिलं.

आणखी वाचा

‘इमर्जन्सी’ चित्रपटातील दृश्यांना कात्री लावण्यास सहनिर्माती कंगना राणावत तयार, सेन्सॉर मंडळाची उच्च न्यायालयात माहिती

विश्लेषण: जगातील सर्वांत मोठी ॲमेझॉन नदी पडतेय कोरडीठाक……

राज ठाकरेंची लाडकी बहीण योजनेवर अप्रत्यक्षरित्या टीका; प्रफुल्ल पटेल म्हणाले, “ज्या लोकांना सरकारची…”

मॅनेजर उद्धट वागल्याने मुख्य अभिनेत्याला चित्रपटातून काढलं, विवेक अग्निहोत्रींचा खुलासा; म्हणाले, “स्टार किडच्या…”

इमर्जन्सी’तील काही दृश्यांना कात्री लावल्यास प्रदर्शनाला हिरवा कंदील; सेन्सॉर मंडळाची उच्च न्यायालयात भूमिका

ऑनलाईन रमी हा खेळ संधीचा की कौशल्याचा भाग ? राज्य सरकाला भूमिका स्पष्ट करण्याचे उच्च न्यायालयाचे आदेश

तिरुपती लाडू भेसळ वाद आणि नितीश कुमारांकडून राम मंदिराचे कौतुक; भाजपाच्या मित्रपक्षांनीही रेटला हिंदुत्वाचा मुद्दा

पाकिस्तानी अभिनेत्याच्या चित्रपटाविरोधात मनसेचे आंदोलन

आणखी वाचा : तृतीयपंथीयांची खिल्ली उडवणाऱ्याला सेलिना जेटलीने सुनावले खडेबोल; म्हणाली, “तुमच्यासारखे लोक…”

याबद्दल बोलताना नागराज म्हणाले, “हे जरा अतीच झालं म्हणजे स्वतःच बोलिंग टाकायची, स्वतःच बॅटिंग करायची, स्वतःच तो बॉल अडवायचा आणि प्रेक्षक म्हणून स्वतःच चीयर पण करायचं. समस्या सोडवायला मीच जायचं हे जरा अवघड काम आहे. मी एक कलाकार आहे, आणि राजकारणात टिकून राहण्यासाठी जो संयम हवा तो माझ्यात नाही, मी अत्यंत साधा सरळ माणूस आहे. साधा म्हणजे अगदी भोळा या अर्थाने नाही.”

राजकारण या क्षेत्राविषयी बोलताना नागराज पुढे म्हणाले, “राजकारणात काम करणं अवघड काम आहे, ते वाईट काम अजिबात नाही. त्यासाठी प्रचंड वेळ खर्ची करावा लागतो. राजकीय काम करणं म्हणजे कोळश्याच्या खाणीत काम करण्यासारखं आहे, डाग हा लागणारच. आपण किती नावं ठेवतो हा वाईट तो वाईट असं ठरवतो. पण हे खूप महत्त्वाचं आणि देशाला घडवणारं काम आहे. या क्षेत्रात काम करताना प्रत्येकाला वेळ द्यावा लागतो माझे बरेच राजकीय मित्र आहेत, त्यांना छोट्यातल्या छोट्या मतदार संघातील माणसाचा फोन घ्यावा लागतो, त्यांना वेळ द्यावा लागतो. त्या लोकांमध्ये हे जे गुण आहेत ते माझ्यात आत्ता तरी नाहीत. जग बदलायला आपल्याकडे बरीच मोठी लोकं आहे, मी काय चित्रपट नीट करतोय तेच महत्त्वाचं आहे उगाच मी सगळ्यात लुडबूड करणं योग्य नाही.”

अशा खास शैलीत नागराज मंजुळे यांनी राजकारणाविषयी त्यांची मतं मांडली. ‘घर बंदूक बिरयानी’ या चित्रपटाचं दिग्दर्शन हेमंत अवताडे यांनी केलं आहे. यामध्ये आकाश ठोसर, नागराज मंजुळे, सयाजी शिंदे यांच्या महत्त्वाच्या भूमिका आहेत. चित्रपटाचा ट्रेलर आणि त्यातील गाणी लोकांच्या पसंतीस उतरली आहेत. येत्या ७ एप्रिलपासून संपूर्ण महाराष्ट्रात हा चित्रपट प्रदर्शित होणार आहे.