Fussclass Dabhade Directed By Hemant Dhome : हेमंत ढोमे दिग्दर्शित ‘फसक्लास दाभाडे!’ हा चित्रपट लवकरच प्रेक्षकांच्या भेटीला येणार आहे. यामध्ये प्रेक्षकांना दाभाडे कुटुंबीयांची गोष्ट पाहायला मिळणार आहे. तीन भावंडं, त्यांना कायम सांभाळून घेणारी आई, लग्नघर, भावंडांमधलं प्रेम आणि वाद या सगळ्या गोष्टी ‘फसक्लास दाभाडे!’मध्ये प्रेक्षकांना पाहायला मिळणार आहेत.

येत्या २४ जानेवारीला हा सिनेमा प्रेक्षकांच्या भेटीला येतोय. हेमंत ढोमे लिखित, दिग्दर्शित या चित्रपटात क्षिती जोग, सिद्धार्थ चांदेकर, अमेय वाघ, निवेदिता सराफ, हरिष दुधाडे, राजन भिसे, राजसी भावे यांच्या प्रमुख भूमिका आहेत. तर, या चित्रपटाच्या निमित्ताने सिद्धार्थ चांदेकर आणि त्याची पत्नी मिताली मयेकर पहिल्यांदाच रुपेरी पडद्यावर एकत्र स्क्रीन शेअर करणार आहेत. चित्रपट प्रदर्शित होण्यासाठी अवघे दोन दिवस बाकी असताना हेमंतने खास पोस्ट शेअर करत आपल्या भावना व्यक्त केल्या आहेत.

PM Narendra Modi Speech
Narendra Modi : आणीबाणी ते कलाकारांवर बंदी! नरेंद्र मोदींनी ‘हे’ पाच मुद्दे उपस्थित करत काँग्रेसला करुन दिली संविधानाची आठवण
मुख्यमंत्रीपद नाही आणि महत्त्वाचं गृहखातंही नाही यामुळे शिंदेंच्या नाराजीत भरच पडली. (फोटो सौजन्य पीटीआय)
Maharashtra Politics : नाराज एकनाथ शिंदे भाजपासाठी अडचणीचे?
Santosh Juvekar
काही चित्रपट पैशांसाठी करावे लागतात; प्रसिद्ध अभिनेता म्हणाला, “मी कलाकार असलो तरी….”
Marathi actress Prajakta Mali Praised to thet tumchya gharatun drama
“थेट तुमच्या काळजाला हात घालतं…”, ‘महाराष्ट्राची हास्यजत्रा’मधल्या कलाकारांच्या ‘या’ नाटकाचं प्राजक्ता माळीने केलं कौतुक, म्हणाली, “ओंकारचं गाणं…”
Tejaswini Pandit
“माझ्या बालमित्राने मला…”, सुंदर साडीतील फोटोंमध्ये तेजस्विनी पंडितची खास पोस्ट; म्हणाली, “माझं न संपणारं प्रेम…”
kshitee jog
“एक झिम्मा चालला म्हणजे…”, क्षिती जोग ‘त्या’ चित्रपटाच्या अपयशावर काय म्हणाली?
tula shikvin changalach dhada adhipati big misunderstanding about wife akshara
अधिपतीचा अक्षराबद्दल मोठा गैरसमज! ‘ते’ दृश्य पाहताच होणार राग अनावर, नव्या अभिनेत्याच्या एन्ट्रीमुळे मालिकेत ट्विस्ट, पाहा प्रोमो
Marathi actress Tejashri Pradhan talk about social media
“फक्त हे मृगजळासारखं…”, सोशल मीडियाबाबत तेजश्री प्रधानने मांडलं मत; तरुणपिढीला सल्ला देत म्हणाली, “आपण आयुष्यात…”

अभिनेता-दिग्दर्शक हेमंत ढोमेची पोस्ट

यळकोट यळकोट जय मल्हार!
चलचित्र मंडळी या आपल्या निर्मिती संस्थेचा चौथा चित्रपट ‘फसक्लास दाभाडे’ परवापासून ( २४ जानेवारी ) तुमच्या भेटीला येतोय. म्हणजे माझं आणि क्षितीचं चौथं बाळ!

हे बाळ आमच्यासाठी जरा स्पेशल आहे. कारण हे आपल्या मातीतलं आहे… रांगडं आहे अस्सल आहे… पण खूप मायाळू आहे! याआधी आमच्या तीनही बाळांना तुम्ही खूप प्रेम दिलंत… अंगा खांद्यावर खेळवलंत! तसंच किंवा त्याहून अधिक प्रेम तुम्ही या बाळावर कराल याची खात्री आहे!

आपण संपूर्ण फॅमिलीबरोबर सिनेमा बघणं हळूहळू विसरत चाललो आहोत. त्याला अनेक कारणं आहेत, पण फसक्लास दाभाडे हा सिनेमा तुम्हाला तुमच्या सख्या-चुलत-मानलेल्या सगळ्या कुटुंबासह एकत्र बसून बघता येईल आणि तुमचं भरघोस मनोरंजन होईल असाच बनवला आहे. तेव्हा तुम्हाला तुमच्या कुटुंबाला एकत्र घेऊन जायचं आहे!

हा सिनेमा म्हणजे आमच्या कुटुंबाकडून तुमच्या कुटुंबाला मारलेली मायेची घट्ट मिठी आहे!

आता एकत्र यावंच लागतंय!

२४ जानेवारी पासून तुमच्या जवळच्या, लांबच्या कुठल्याही चित्रपटगृहात जाऊन आपल्या कुटुंबाचा हा सिनेमा नक्की बघा! आणि तुमचं आमचं नातं असं आहे की जे काही वाटलं ते हक्काने सांगा!

चांगभलं!!!

दरम्यान, हेमंतच्या पोस्टवर असंख्य मराठी कलाकारांनी कमेंट्स करत ‘फसक्लास दाभाडे!’साठी दिग्दर्शकाला भरभरून शुभेच्छा दिल्या आहेत. आता हा बहुप्रतीक्षित सिनेमा प्रदर्शित झाल्यावर काय सिनेमागृहात काय जादू करणार हे पाहणं महत्त्वाचं ठरणार आहे.

Story img Loader