scorecardresearch

Premium

“येड्या पाटलाला त्याची शहाणी पाटलीण…”, क्षिती जोग-हेमंत ढोमेच्या लग्नाला ११ वर्षे पूर्ण, अभिनेता म्हणाला, “लय खुळ्यागत…”

“सगळ्यात भारी गोष्ट …”, ‘अशी’ आहे क्षिती जोग-हेमंत ढोमेची प्रेमकहाणी! अभिनेता म्हणाला…

Hemant dhome and kshiti jog 11th marriage anniversary
हेमंत ढोमे-क्षिती जोग

‘झिम्मा २’ चित्रपटामुळे सध्या हेमंत ढोमे आणि क्षिती जोग यांची जोडी चांगलीच चर्चेत आहे. वैयक्तिक आयुष्यात दोघांनीही २०१२ मध्ये लग्नगाठ बांधली. आज त्यांच्या सुखी संसाराल ११ वर्षे पूर्ण झाली आहेत. याच निमित्ताने हेमंतने लाडक्या बायकोसाठी खास इन्स्टाग्राम पोस्ट शेअर करत जुन्या आठवणींना उजाळा दिला आहे.

हेमंत आणि क्षितीची पहिली भेट एका नाटकादरम्यान झाली होती. त्याआधी दोघेही एकमेकांना ओळखत होते परंतु, त्यांच्यात मैत्री या नाटकाच्या निमित्ताने झाली. पुढे या मैत्रीचं रुपांतर प्रेमात झालं आणि दोघांनीही याबद्दल घरच्यांना कल्पना दिली. दोन्ही कुटुंबांकडून हेमंत-क्षितीच्या नात्याला परवानगी मिळाल्यावर त्यांनी लगेच घरच्या घरी साखरपुडा केला आणि त्यानंतर वर्षभराच्या आत दोघांचं लग्न झालं.

kerala mercy killing news
दोन मुलांना दुर्मिळ आजार, संपूर्ण कुटुंबाच्या इच्छामरणासाठी केरळमधील दाम्पत्य सर्वोच्च न्यायालयात जाणार; म्हणाले…
What should be the future of girls 18-25 Formula of told by Maharashtra MLC Satyajeet Tambe
मुलींचे भविष्य कसे असावे? सत्यजित तांबेंनी सांगितलेला १८-२५ चा नियम तुम्हाला माहितेय का?
Ram Murti
सुंदर, गोड, निरागस आणि लोभस भगवान रामाच्या मूर्तीचं नामकरण; पूजाऱ्यांनी दिली महत्त्वपूर्ण माहिती!
man commits suicide after wife sister in law asking money for liquor
पिंपरी : दारूसाठी पैसे मागणाऱ्या पत्नी, मेहुणीच्या त्रासाला कंटाळून देहूरोडमध्ये तरुणाची आत्महत्या

हेही वाचा : “माझी बायको ६ महिन्यांची गरोदर…”, चाहत्याच्या प्रश्नाला शाहरुख खानने दिलं ‘असं’ उत्तर, सर्वत्र होतंय कौतुक

आज त्यांच्या लग्नाला ११ वर्षे पूर्ण झाली आहेत. यानिमित्ताने हेमंतने लग्नातील काही सुंदर फोटो शेअर करत जुन्या आठवणींना उजाळा दिला आहे. “११ वर्षांपुर्वी जगातली सगळ्यात भारी गोष्ट घडली! या येड्या पाटलाला त्याची शहाणी पाटलीण मिळाली! तुला तर माहितीच आहे क्षिती आपलं लय खुळ्यागत प्रेम आहे… गाणं पण तेच आहे…(या गाण्यावर पटली राव! )” असं कॅप्शन अभिनेत्याने या फोटोंना दिलं आहे.

दरम्यान, लग्नाच्या ११ व्या वाढदिवसानिमित्ताने हेमंत-क्षितीवर सध्या त्यांच्या चाहत्यांसह मराठी कलाविश्वातून शुभेच्छांचा वर्षाव करण्यात येत आहे. मधुराणी प्रभुलकर, नम्रता संभेराव, पूजा सावंत, समीर विध्वंस, सोनाली खरे अशा अनेक कलाकारांनी हेमंत-क्षितीच्या फोटोवर कमेंट्स करत दोघांना भावी आयुष्यासाठी शुभेच्छा दिल्या आहेत. याशिवाय दोघांच्या ‘झिम्मा २’ चित्रपटाला बॉक्स ऑफिसवर भरभरून यश मिळत आहे.

Latest Comment
View All Comments
Post Comment

मराठीतील सर्व मराठी सिनेमा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Jhimma 2 fame hemant dhome and kshiti jog 11th marriage anniversary actor shares romantic post for his wife sva 00

First published on: 07-12-2023 at 09:35 IST

संबंधित बातम्या

तुम्ही या बातम्या वाचल्या आहेत का? ×