हेमंत ढोमे दिग्दर्शित ‘झिम्मा’ हा चित्रपट प्रचंड गाजला. या चित्रपटानंतर आता लवकरच ‘झिम्मा २’ हा चित्रपट प्रदर्शित होणार आहे. येत्या २४ नोव्हेंबरला ‘झिम्मा २’ हा चित्रपट प्रेक्षकांच्या भेटीला येत आहे. या चित्रपटात अभिनेत्री सुचित्रा बांदेकर यांनी वैशाली हे पात्र साकारलं होतं. नुकतंच त्यांनी या चित्रपटात त्यांची निवड कशी झाली, याचा किस्सा सांगितला आहे.

‘झिम्मा २’ या चित्रपटातील सर्व कलाकार हे सध्या प्रमोशनमध्ये व्यस्त आहेत. नुकतंच सुचित्रा बांदेकर यांनी ‘रत्न मराठी मीडिया’ला मुलाखत दिली. या मुलाखतीत त्यांनी झिम्मा हा चित्रपट कसा मिळाला, याबद्दल भाष्य केले.
आणखी वाचा : Jhimma 2 Review: जीवाभावाच्या मैत्रिणींच्या रियुनियनची भावुक करणारी गोष्ट; वाचा कसा आहे ‘झिम्मा २’

salman khan
आनंद दिघे यांच्याकडून हिंदुत्वाचे नाही तर संपूर्ण समाजाचे रक्षण- एकनाथ शिंदे
marathi actress Prajakta Gaikwad
दाक्षिणात्य चित्रपट सृष्टीला ‘मराठी’ची भुरळ, अभिनेत्री प्राजक्ता गायकवाड म्हणते, “ओटीटीच्या स्पर्धेत मराठी…”
exclusive interview with bai ga movie team in Loksatta Digital Adda
स्त्री इच्छांच्या सन्मानाची गोष्ट
Akshay Kumar
“माझे चित्रपट फ्लॉप झाल्यानंतर बॉलीवूडमधील काही लोक…”, अक्षय कुमारने सांगितला फिल्म इंडस्ट्रीतील अनुभव
Akshay Kumar
‘सरफिरा’ चित्रपटातील ‘तो’ सीन करताना अक्षय कुमारला आठवला वडिलांच्या निधनाचा प्रसंग अन् मग…; अभिनेत्याने सांगितलेला वाचा किस्सा
Director Sukathankar, audience,
आता रडकेपणाने मराठी चित्रपटांविषयी चर्चा करणार की… दिग्दर्शक सुकथनकर यांच्या प्रेक्षकांना कानपिचक्या
Ranveer Singh And Vicky Kaushal
‘कल्की: २८९८ एडी’ चित्रपटात दीपिकाला गर्भवती पाहणे माझ्यासाठी…; रणवीर सिंहने सांगितला ‘तो’ प्रसंग
gaurav more write special post for satya movie
२६ वर्षांपूर्वीच्या बॉलीवूड चित्रपटासाठी गौरव मोरेची खास पोस्ट! शाहरुख-सलमान नव्हे तर ‘या’ अभिनेत्याने साकारलीये प्रमुख भूमिका

सुचित्रा बांदेकर काय म्हणाल्या?

“मला क्षितीचा फोन आला होता. हेमंत ढोमेने मला फोन केला नव्हता. क्षिती माझी खूप चांगली मैत्रीण आहे. त्यावेळी मी परदेशात होते. तिने मला मी एका चित्रपटाची निर्मिती करतेय, असे सांगितले. मी तिचे अभिनंदन केले. त्यावेळी तिने मला तू यात काम करावं, अशी माझी इच्छा आहे, असे सांगितलं.

मी तेव्हा तिला सध्या मी परदेशात आहे, आपण आल्यावर बोलू. पण तुझा चित्रपट आहे, मग मी नक्की करतेय. त्यावेळी मी या चित्रपटातील भूमिकाही ऐकली नव्हती. माझं पात्रही मला माहिती नव्हतं.

कोणत्या तरी एका अभिनेत्रीला समस्या निर्माण झाली, त्यामुळे मग क्षितीने मला आपली जवळची मैत्रीण आणि फोन केल्यावर नाही म्हणणार नाही, या विश्वासावर तिने झिम्मा १ साठी मला फोन केला. त्यामुळे मग झिम्मा १ ने माझी निवड केली आहे, असं मला वाटतं”, असे सुचित्रा बांदेकर म्हणाल्या.

आणखी वाचा : Video : “…म्हणून ‘झिम्मा २’मध्ये सोनाली कुलकर्णी आणि मृण्मयी गोडबोले नाही”, हेमंत ढोमेने सांगितलं खरं कारण

दरम्यान ‘झिम्मा १’ हा चित्रपट करोना काळानंतर प्रदर्शित होणारा पहिला चित्रपट ठरला. या चित्रपटाने चांगली कमाई केली होती. यानंतर आता या चित्रपटाचा दुसरा भाग प्रदर्शित होत आहे. ‘झिम्मा २’ या चित्रपटात सुहास जोशी, निर्मिती सावंत, सुचित्रा बांदेकर, क्षिती जोग, सायली संजीव, रिंकू राजगुरु, शिवानी सुर्वे आणि सिद्धार्थ चांदेकर असे दिग्गज कलाकार पाहायला मिळणार आहेत.