मराठी सिनेसृष्टीतल्या आघाडीच्या अभिनेत्यांपैकी एक म्हणजे अंकुश चौधरी. अंकुशने आपल्या जबरदस्त अभिनयाने मराठी सिनेसृष्टीत अढळ स्थान निर्माण केलं आहे. गेल्या काही दिवसांपासून अंकुश सोशल मीडियावर खूप सक्रिय झाला आहे. नुकतीच अंकुश चौधरीने अशोक सराफ यांच्यासाठी खास पोस्ट शेअर केली आहे. या पोस्टच्या माध्यमातून अंकुशने अशोक सराफांबरोबरच्या जुन्या आठवणींना उजाळा दिला आहे.

अंकुश चौधरीने काही फोटो शेअर करत लिहिलं आहे, “‘अशोक सराफ’ हे नाव आमच्या संपूर्ण पिढीच्या आठवणींशी जोडलेलं आहे. त्यांच्या सिनेमांचे ‘फर्स्ट डे फर्स्ट शो’ बघणं हा माझ्यासाठी आनंदाचा दिवस असायचा. त्यांच्या विनोदी टाइमिंगवर फिदा होणाऱ्या लाखो प्रेक्षकांमध्ये मीही होतो आणि आजही आहे. त्यांचे डायलॉग्स, त्यांची स्टाईल, अभिनयातली सहजता, त्यातील बारकावे पाहिले, की वाटायचं हे असं आपल्यालाही जमायला हवं. म्हणूनच मी प्रेक्षक, अभिनेता आणि आता दिग्दर्शक अशा वेगवेगळ्या भूमिकांमधून त्यांच्याकडून खूप काही शिकत आलोय आणि अजूनही शिकतोय.”

rinku rajguru Krishnaraaj Dhananjay Mahadik photo from Mahalaxmi Temple Kolhapur
कृष्णराज महाडिक व रिंकू राजगुरूच्या कोल्हापुरातील फोटोची चर्चा, नेटकरी म्हणाले, “सैराट झालं जी…”
Manoj Jarange, Manoj Jarange movement,
विश्लेषण : मनोज जरांगे यांच्या आंदोलनाचा प्रभाव ओसरला?…
President Prafulla Taware, Treasurer Surendra Bhoite
क्रेडाईच्या अध्यक्षपदी प्रफुल्ल तावरे तर खजिनदार पदी सुरेंद्र भोईटे यांची निवड
Chunky Panday
चंकी पांडेंचे बालपणीचे सर्व फोटो फ्रॉकमध्ये का आहेत? स्वत: सांगितलं कारण; म्हणाले, “आई-वडिलांना”
Shantanu Naidu went from Ratan Tata’s millennial manager
टाटांचा युवा शिलेदार आता टाटा समूहात उच्चपदस्थ
shweta kharat
“प्रत्येक माणसाबद्दल…”, ‘पारू’ फेम श्वेता खरातने सांगितला हर्षदा खानविलकर यांच्याबरोबर काम करण्याचा अनुभव; म्हणाली…
great leaders, Study , Haritatya ,
ऊब आणि उमेद : माझ्यातले हरितात्या…
Ankush Chaudhari
अंकुश चौधरीने केली मोठी घोषणा! १३ वर्षानंतर ‘नो एंट्री पुढे धोका आहे’चा सीक्वेल येणार प्रेक्षकांच्या भेटीला

पुढे अंकुश चौधरी लिहिलं की, माझ्या करिअरच्या सुरुवातीला १९९५ मध्ये ‘सूना येती घरा’ या सिनेमात पहिल्यांदा अशोक सरांबरोबर मला काम करण्याची संधी मिळाली. त्यावेळी केवळ त्यांचा अभिनयचं नाही, तर त्यांची सहजता, सेटवरील त्यांची ऊर्जा आणि कामाकडे पाहण्याचा दृष्टिकोन पाहून मी प्रभावित झालो होतो. त्यानंतर ‘साडे माडे तीन’च्या निमित्ताने दिग्दर्शक म्हणून त्यांच्याबरोबर काम करता आलं आणि आता २०२५ मध्ये ‘पुन्हा एकदा साडे माडे तीन’ सिनेमासाठी आम्ही परत एकदा एकत्र काम केलंय.

राष्ट्रीय पुरस्कार मिळणं हा मोठा सन्मान आहे. पण त्यासाठी कमाल मेहनत आणि कायम दिलखुलास राहण्याची वृत्ती या गोष्टी सोप्या नसतात. पण अशोक सराफ हे नाव याला अपवाद आहे. अशोक सराफ सर, तुमच्या कला प्रवासाला सलाम! महाराष्ट्राच्या हृदयात आधीपासूनच तुमचं अढळ स्थान होतं. आज त्यावर ‘पद्मश्री’ची मोहोर उमटली आहे, असं अंकुश चौधरीने पोस्टमध्ये लिहिलं आहे.

दरम्यान, अंकुश चौधरीच्या कामाबद्दल बोलायचं झालं तर, काही दिवसांपूर्वी त्याच्या वाढदिवशी तीन नव्या चित्रपटाची घोषणा झाली. ‘महादेव’, ‘पी.एस.आय.अर्जुन’, ‘नो एंट्री पुढे धोका आहे २ – कॉमेडी ऑफ टेरर्स’ हे अंकुशचे तीन चित्रपट लवकरच प्रेक्षकांच्या भेटीस येणार आहेत. तसंच त्याचं दिग्दर्शन असलेला ‘पुन्हा एकदा साडे माडे तीन’ चित्रपटही प्रदर्शनाच्या मार्गावर आहे.

Story img Loader