Premium

“ती जागा हाफ चड्डीची नाही”, गणेश भक्तांसाठी जारी केलेल्या ड्रेसकोडवर दीपाली सय्यद यांची प्रतिक्रिया; म्हणाल्या, “संपूर्ण महाराष्ट्रात…”

अभिनेत्री आणि शिवसेना (शिंदे गट) नेत्या दीपाली सय्यद नेमकं काय म्हणाल्या?

marathi actress and shiv sena leader Deepali sayed
अभिनेत्री आणि शिवसेना (शिंदे गट) नेत्या दीपाली सय्यद नेमकं काय म्हणाल्या?

सध्या सर्वत्र बाप्पाच्या आगमनासाठी गणेश भक्तांची लगबग सुरू आहे. सार्वजनिक मंडळांकडून गैरप्रकार घडू नये, यासाठी खबरदारी घेतली जात आहे. अशातच अंधेरीतील एका सार्वजनिक गणेश मंडळाकडून ड्रेसकोड जारी करण्यात आला आहे. हाफ जीन्स, स्कर्ट घालून गणपतीच्या दर्शनासाठी येणाऱ्या भाविकांना मनाई करण्यात आली आहे. या ड्रेसकोडला काहीजण विरोध करत आहेत, तर काहीजण पाठिंबा देत आहेत. अभिनेत्री आणि शिवसेना (शिंदे गट) नेत्या दीपाली सय्यद यांनी या ड्रेसकोडवर प्रतिक्रिया दिली आहे.

या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा – ‘महाराष्ट्राची हास्यजत्रा’ फेम पृथ्वीक प्रताप लवकरच ‘या’ चित्रपटात झळकणार; प्रथमेश परब असणार जोडीला

‘एबीपी माझा’ या वृत्तवाहिनीशी बोलताना दीपाली सय्यद म्हणाल्या की, “मला असा वाटतंय की, आपणच आपल्या देवांचा मान ठेवला नाही, तर मग दुसरे काय ठेवणार? त्यामुळे या ज्या गोष्टी होत आहेत त्या बरोबर आहेत. प्रत्येकाने त्या गोष्टीच पालन करणं गरजेचं आहे. मी तर या गोष्टीला दुजारा देते. कारण अशा गोष्टी एकाच ठिकाणी नाही तर संपूर्ण महाराष्ट्रात झाल्या पाहिजे.”

हेही वाचा – Video: अशोक सराफ यांनी दादा कोंडकेंच्या आठवणींना दिला उजाळा; म्हणाले, “दादा एक…”

पुढे दीपाली म्हणाल्या की, “जे लोक याला विरोध करत आहेत त्यांना मी विचारते की, यात काय विरोध करण्यासारखं आहे? उलट हे चांगलंच आहे ना? आपण आपल्या देवाकडे काय नजरेने बघतो, कशासाठी जातो. आपल्या धर्माचा आपणच आदर करणार नाही तर दुसरे काय करणार. त्याच्यात चुकीचं काय आहे? तुम्ही फुल जीन्स घालू शकताय. हाफ जीन्स घालायची गरज नाही. ते घालून जाण्यासाठी तुम्हाला दुसरे कार्यक्रम असतात की तेव्हा घाला. साडी आहे, सलवार कमीज आहे सगळ्या गोष्टी आहेत. आपल्या हिंदुस्थानात खूप छान पेहराव करण्यासाठी गोष्टी आहेत. ती जागा हाफ चड्डीची नाही. त्यामुळे जे विरोध करतायत त्यांचा मी विरोध करते.”

मराठीतील सर्व मराठी सिनेमा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Marathi actress and shiv sena leader deepali sayed reaction on andheri ganpati mandal dress code pps

First published on: 18-09-2023 at 09:48 IST
Next Story
प्रिया बापट : चाळीत वाढलेली बबली गर्ल ते बहुपेडी अभिनेत्री