अभिनेत्री मधुरा वेलणकर ‘गोष्ट एका पैठणीची’ या चित्रपटानंतर पुन्हा एकदा मोठ्या पडद्यावर झळकणार आहे. मधुरा मुख्य भूमिका साकारत असलेला ‘बटरफ्लाय’ चित्रपट येत्या २ जूनला प्रेक्षकांच्या भेटीला येणार आहे. नुकताच या चित्रपटाचा ट्रेलर प्रदर्शित करण्यात आला. ज्येष्ठ अभिनेते आणि नाट्यनिर्माते अजित भुरे यांनी हा चित्रपट प्रस्तुत केला असून चित्रपटाची निर्मिती अजित भुरे, अभिजीत साटम आणि मधुरा वेलणकर यांनी केली आहे.

हेही वाचा : अनुष्का शर्माच्या आयुष्यात ‘या’ २ गोष्टींमुळे झाला बदल, चाहत्यांना सल्ला देत म्हणाली, “रात्रीचे नऊ वाजले की…”

drishyam-hollywood-remake
‘दृश्यम’बद्दल मोठी अपडेट समोर; कोरीअन रिमेकनंतर आता चित्रपटाचा बनणार आता हॉलिवूडमध्ये रिमेक
randeep hooda swatantrya veer movie clip video features on times square
रणदीप हुड्डाच्या ‘स्वातंत्र्य वीर सावरकर’ चित्रपटाचा व्हिडिओ झळकला न्यूयॉर्क ‘टाईम्स स्क्वेअर’ वर
do-you-know-who-is-this actress
फोटोमध्ये पाठमोऱ्या उभ्या असणाऱ्या ‘या’ अभिनेत्रीला ओळखले का? मराठीबरोबर दाक्षिणात्य चित्रपटसृष्टीतही कमावतेय नाव
actor shreyas talpade debut in south indian movie
बॉलीवूड गाजवल्यानंतर आता मराठमोळा श्रेयस तळपदे करणार दाक्षिणात्य चित्रपटात पदार्पण, म्हणाला…

मधुरा वेलणकरचा ‘बटरफ्लाय’ चित्रपट एका सामान्य गृहिणीचे जीवन, तिची स्वप्न यावर आधारित आहे. चित्रपटाचे दिग्दर्शन मीरा वेलणकरने केले असून पटकथा विभा दिक्षित देशपांडे आणि मीराने लिहिली आहे. ‘बटरफ्लाय’मधील गाण्यांचे लेखन वैभव जोशीने केले आहे. तसेच सुप्रसिद्ध कवी गुरू ठाकूरच्या कविता तुम्हाला या चित्रपटाच्या माध्यमातून ऐकायला मिळणार आहेत.

हेही वाचा : “गौरीने मला कधीच गिफ्ट दिले नाही, कारण…” शाहरुख खानचा ‘तो’ जुना व्हिडीओ व्हायरल, पत्नीविषयी केला होता मजेशीर खुलासा

‘बटरफ्लाय’मध्ये सामान्य गृहिणीची कथा दाखवण्यात आली आहे. घरात काम करणारी सामान्य स्त्री ही केवळ ‘हाऊसवाईफ’ नसून ती घराची ‘होममेकर’ असते. “प्रत्येक जण मरणार…पण तुम्हाला माहितीये आपण प्रत्यक्षात कधी मरतो? ज्यावेळी आपली स्वप्न मरतात तेव्हा!” असा संदेश चित्रपटातून देण्याचा प्रयत्न केला जाणार असल्याचे ट्रेलर पाहून लक्षात येते. प्रत्येक गृहिणी आपल्या घरासाठी स्वत:चा विचार न करता मेहनत करीत असते, परंतु आयुष्यात अशी एखादी घटना घडते की, संपूर्ण जीवन बदलून जाते. आयुष्याच्या नव्या वळणावर ही गृहिणी स्वत:लाही प्राधान्य देते असे ट्रेलरमध्ये दाखवण्यात आले आहे.

चित्रपटात अभिनेत्री मधुरा वेलणकर प्रमुख भूमिकेत दिसेल. याशिवाय, अभिजीत साटम, प्रदिप वेलणकर, सोनिया परचुरे, राधा धरणे, महेश मांजरेकर यांच्याही महत्त्वाच्या भूमिका आहेत. ट्रेलरला प्रेक्षकांची पसंती मिळत असून मधुरा वेलणकरला पुन्हा एकदा मोठ्या पडद्यावर पाहण्यासाठी तिचे चाहते उत्सुक आहेत.