“चाइल्ड अस्थमा, अ‍ॅलर्जीचे अटॅक अन्…”, निवेदिता सराफ यांनी सांगितली मुलाच्या बालपणीची अवस्था; म्हणाल्या “त्याला सोडून…”

निवेदिता सराफ यांनी सौमित्र पोटे यांच्या यूट्यूब चॅनलवरील ‘मित्र म्हणे’ या कार्यक्रमाला मुलाखत दिली. या कार्यक्रमात त्यांना तुम्ही मुलगा अनिकेतच्या जन्मानंतर तब्बल १४ वर्षांचा ब्रेक घेतला होता. सिनेसृष्टीपासून अनेक वर्ष लांब राहिल्यावर त्यांनी पुन्हा अनेक मालिका गाजवल्या. आता त्यांनी करिअरच्या शिखरावर असताना निवेदिता यांनी एवढा मोठा निर्णय का घेतला याबद्दल भाष्य केले.
आणखी वाचा : निवेदिता सराफ यांचे वय किती? स्वत:च खुलासा करत म्हणाल्या, “मला लाज…”

आणखी वाचा

उपाशी ठेवून भीक मागायला सांगितलं, पोटच्या मुलांकडून संपत्तीसाठी आई-वडिलांचा छळ; वृद्ध दाम्पत्यानं जीवन संपवलं

विश्लेषण: जगातील सर्वांत मोठी ॲमेझॉन नदी पडतेय कोरडीठाक……

जग्गी वासुदेव यांच्या आश्रमाची झडती; मद्रास उच्च न्यायालयाच्या ताशेऱ्यांनंतर कारवाई

Tirupati Laddu Row : “जेवणात लाडू नसतील अशी आशा आहे”… जेव्हा सुप्रीम कोर्टाचे न्यायाधीशही हास्यविनोद करतात!

“त्यांनी माझ्या मुलाचं जानवं कापलं आणि म्हणाले पुन्हा…”, दिव्यांग मुलाच्या वडिलांची तक्रार; तमिळनाडू पोलिसांनी मात्र दावा फेटाळला

न्यायालय म्हणाले, “पतीने पत्नीला सुनावणे चुकीचे नाही….”

मराठमोळ्या शिबानी दांडेकरने पतीच्या पहिल्या बायकोचं केलं कौतुक; सावत्र मुलींबरोबरच्या नात्याबद्दल म्हणाली, “त्या खूप…”

D Y Chandrachud : “…तर मी तुम्हाला हाकलून देईन”, सरन्यायाधीशांनी ममता बॅनर्जींच्या राजीनाम्याची मागणी करणाऱ्या याचिकाकर्त्याला सुनावलं

“अशोकने मला तू काम सोड, असं कधीही सांगितलं नाही. तो माझा निर्णय होता. माझं बालपण जसं गेलं, ते मला अजूनही चांगलं आठवतं. मी अशी धावत घरी यायचे मग दुसऱ्या शनिवारी आईला सुट्टी असायची मग तिच्या चपला दाराबाहेर दिसल्या की मला आनंद व्हायचा. तिला काम करणं गरजेचं होतं. पण मनात ते कुठेतरी भिनलं गेलं होतं. त्यामुळे मी ठरवलं होतं की मूल झाल्यावर मला त्याला पूर्ण वेळ द्यायचा आहे.

कारण आमचं प्रोफेशन असं आहे की तुम्ही इथे सीक लिव्ह टाकू शकत नाही. माझं मूल आजारी आहे, त्याला गोवर आलाय, कांजण्या आल्यात, हे तुम्हाला सांगता येत नाही. तुम्ही हे करु शकत नाही. तुम्हाला कामाला जावंच लागतं. माझा मुलगा झाल्यावर त्याच्या सगळ्या जडणघडणीचा मला साक्षीदार व्हायचं होतं.” असे त्या म्हणाल्या.

मला त्यावेळी आईनेही सांगितलं की मी सांभाळते म्हणून पण माझं मूल आहे, ते मी वाढवलं पाहिजे असं मला वाटलं. माझ्याकडे त्यावेळी चॉइस होता. तरी अनिकेत झाल्यानंतर मी तीन कामं केली. पण मला समोर दिसत होतं. माझ्या मुलाला चाइल्ड अस्थमा होता. त्याला लहानपणापासून दम्याचा त्रास होता. त्याला धूळ आणि धूर याची अ‍ॅलर्जी आहे, हे आम्हाला खूप नंतर कळलं. त्याला अनेकदा अ‍ॅलर्जीचे अटॅक यायचे. त्यामुळे मग त्याला सोडून जाणं मला शक्य झालं नाही. त्याला माझी गरज होती, असेही निवेदिता सराफ यांनी सांगितले.

आणखी वाचा : “…तर त्यांनी मला नक्कीच बसवलं असतं”, अशोक सराफ यांना सुनावणाऱ्यांवर भडकले भाऊ कदम, म्हणाले “कृपया…”

दरम्यान निवेदिता सराफ यांनी वयाच्या ५ व्या वर्षीपासून सिनेसृष्टीत काम केले आहे. लग्नानंतर निवेदिता सराफ यांनी अभिनयातून ब्रेक घेतला. त्यांनी त्यांचा एकुलता एक मुलगा अनिकेत सराफ याच्या पालनपोषणाची जबाबदारी घेतली. निवेदिता आणि अशोक यांना अनिकेत नावाचा मुलगा आहे. तो एक उत्कृष्ट शेफ आहे.