scorecardresearch

Premium

“मराठी बोलायला लाज वाटते का?” सई ताम्हणकरचे ट्रोलर्सला सडेतोड उत्तर, म्हणाली “आम्ही कोणत्या भाषेत…”

सईने तिला ट्रोल करणाऱ्यांना सडेतोड उत्तर दिले आहे.

sai tamhankar answer
सई ताम्हणकर

मराठी मनोरंजन सृष्टीतील आघाडीच्या अभिनेत्रींच्या यादीत सई ताम्हणकर हीचं नाव कायमच वरच्या स्थानी असतं. आता फक्त मराठीतच नाही तर हिंदी सिनेसृष्टीतही तिने तिची स्वतंत्र ओळख निर्माण केली आहे. सईचा चाहता वर्ग प्रचंड मोठा आहे. मात्र नुकतंच सईने तिला ट्रोल करणाऱ्यांना सडेतोड उत्तर दिले आहे.

सई ताम्हणकरने नुकतंच एका इंग्रजी युट्यूब चॅनलला मुलाखत दिली. या मुलाखतीत तिला काही सेकंदात प्रश्न विचारण्यात आले, ज्याची तिला उत्तर द्यायची होती. यावेळी मुलाखतीत तिला इंग्रजीत प्रश्न विचारल्याने तिनेही इंग्रजीत उत्तर दिली आहे. मात्र सई यात इंग्रजी बोलत असल्याने काही चाहत्यांना ते खटकलं आहे. यामुळे आता सईला मराठी न बोलल्यामुळे ट्रोल करण्यात आलं आहे.
आणखी वाचा : “घरी भाजी न आवडल्याची तक्रार केली, तर…” सई ताम्हणकरने सांगितला ‘तो’ किस्सा, म्हणाली…

How to deal with a difficult boss
तुमचा बॉस निर्दयी स्वभावाचा आहे का? खडूस बॉसबरोबर कसे वागावे? तज्ज्ञांनी सांगितल्या खास टिप्स….
ajit_pawar_supriya_sule
‘आम्ही सेल्फी काढत फिरत नाही’, म्हणणाऱ्या अजित पवारांना सुप्रिया सुळेंचे प्रत्युत्तर; म्हणाल्या “मोदींचा एक…”
Nitin Gadkari
“चांगलं काम करणाऱ्याला सन्मान मिळत नाही, अन् वाईट…”, नितीन गडकरींचा रोख कोणाकडे?
green tea benefits and myths by nutritionist
ग्रीन टी पिण्याने वजन अन् चरबी कमी होत नाही? नेमके काय म्हणतात आहारतज्ज्ञ जाणून घ्या..

सईच्या या व्हिडीओवर काही नेटकऱ्यांनी कमेंट केल्या आहेत. “मराठीत सांगितले असते तर पूर्ण समजले असते, English+Marathi= आमची गोची झाली बघा”, अशी कमेंट एकाने केली आहे. तर एकाने “मराठी मध्ये बोलले असते तर काय झाले आस्ते, आप्ल्या भाषेत बोलायला लाज वाटते?” असे एकाने म्हटले आहे. त्यावर सईने कमेंट करत त्याला सडेतोड उत्तर दिले आहे.

“हे एक इंग्रजी चॅनेल आहे. तुम्ही आधी नीट माहिती मिळवा, त्यानंतर बोला. आणि आम्ही कोणत्या भाषेत बोलायचं हे ठरवण्याचा हक्क तुम्हाला नाही”, असे सई ताम्हणकरने म्हटले आहे. तिच्या या उत्तरामुळे ट्रोलर्सची तोंड बंद झाली आहेत.

sai tamhankar comment
सई ताम्हणकर

आणखी वाचा : सई ताम्हणकरने तिचं नवीन घर कसं शोधलं? म्हणाली “मला लॉकडाऊनमध्ये…”

दरम्यान सईने मराठीसह बॉलिवूडमध्येही तिने एक वेगळी ओळख निर्माण केली आहे. ‘दुनियादारी’, ‘क्लासमेट’, ‘तू हि रे’ या गाजलेल्या मराठी चित्रपटांमध्ये सईने महत्त्वाच्या भूमिका साकारल्या आहेत. सई सध्या तिच्या वैयक्तिक आयुष्यात उंच भरारी घेताना दिसत आहे. काही दिवसांपूर्वीच सईने मुंबईत तिचं पहिलं घर घेतलं आहे.

Latest Comment
View All Comments
Post Comment

मराठीतील सर्व मराठी सिनेमा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Marathi actress sai tamhankar reply to trollers about speaking marathi language nrp

First published on: 02-10-2023 at 19:01 IST

संबंधित बातम्या

तुम्ही या बातम्या वाचल्या आहेत का? ×