Mrinal Kulkarni : आपल्या सहज सुंदर अभिनयाने कायमच रसिक प्रेक्षकांना भुरळ घालणाऱ्या अभिनेत्रींमध्ये मृणाल कुलकर्णी यांचं नाव घेतलं जातं. त्यांचा चाहतावर्ग मोठ्या प्रमाणात आहे. आजवर अनेक मालिका, चित्रपटांमध्ये त्यांनी काम केलेलं आहे. ‘सोनपरी’ या मालिकेमुळे त्यांना विशेष लोकप्रियता मिळाली. आजही बहुतांश लोक मृणाल कुलकर्णींना ‘सोनपरी’ म्हणून ओळखतात.

दमदार अभिनय आणि सौंदर्याच्या जोरावर मराठी व हिंदी चित्रपटसृष्टीत स्वत:चं वेगळं अस्तित्व निर्माण करणाऱ्या मृणाल कुलकर्णींनी वैयक्तिक आयुष्यात १० जून १९९० रोजी रुचिर कुलकर्णी यांच्याशी लग्नगाठ बांधली. मृणाल कुलकर्णी सोशल मीडियावर कायम सक्रिय असतात. आज पती पती रुचिर कुलकर्णी यांच्या वाढदिवसानिमित्त त्यांनी सोशल मीडियावर खास पोस्ट लिहिली आहे.

happy rose day wishes in marathi | rose day quotes and images
Happy Rose Day 2025 : “तू गुलाबासारखी नाजूक…” प्रिय व्यक्तीला पाठवा ‘रोझ डे’च्या एकापेक्षा एक प्रेमळ शुभेच्छा
मुख्यमंत्रीपद नाही आणि महत्त्वाचं गृहखातंही नाही यामुळे शिंदेंच्या नाराजीत भरच पडली. (फोटो सौजन्य पीटीआय)
Maharashtra Politics : नाराज एकनाथ शिंदे भाजपासाठी अडचणीचे?
Shreya Ghoshal Wedding Anniversary
श्रेया घोषालच्या लग्नातील फोटो पाहिलेत का? गायिकेने लग्नाला १० वर्षे पूर्ण झाल्यानिमित्ताने केली खास पोस्ट शेअर, म्हणाली…
happy ratha saptami wishes
Ratha Saptami Wishes : आज रथ सप्तमीनिमित्त प्रियजनांना WhatsApp, Instagram, Facebook वर पाठवा खास शुभेच्छा; पाहा यादी
Genelia and Riteish Deshmukh 13th Marriage Anniversary
लग्नाला १३ वर्षे पूर्ण होताच जिनिलीया देशमुखने दिली ‘या’ गोष्टीची कबुली! रितेशसह फोटो शेअर करत म्हणाली, “तू एकमेव…”
Man dance for wife on 25th anniversary
“जेव्हा तुम्ही योग्य व्यक्तीच्या प्रेमात…” २५ व्या वाढदिवसानिमित्त ‘त्यांनी’ केला बायकोसाठी जबरदस्त डान्स; VIDEO पाहून नेटकरी फिदा
Royal wedding ceremony of Shri Vitthal Rukmini on occasion of Vasant Panchami in Pandharpur
पंढरपुरात वसंत पंचमीनिमित्त श्री विठ्ठल रुक्मिणीचा शाही विवाह सोहळा
Prateik Babbar second marriage date out
स्मिता पाटील यांचा मुलगा करतोय दुसरं लग्न, प्रतीकच्या लग्नाची तारीख आली समोर; होणारी पत्नी कोण? वाचा…

नवऱ्याला वाढदिवसानिमित्त शुभेच्छा देताना मृणाल कुलकर्णी लिहितात, “आमचं कुटुंब एकमेकांशी घट्ट जोडलेलं आणि रुचिर त्याचा एक अविभाज्य भाग… अगदी फार फार वर्षापासून… किस्से सांगून आम्हा सर्वांना खळखळून हसवणारा, धमाल खोड्या करणारा, आरडाओरडा करुन हक्काने कौतुक वसूल करणारा, अतिशय मनापासून दाद देणारा आणि क्षणात गंभीर होऊन अगदी योग्य असा सल्ला देणारा! आईच्या आजारपणात ‘थोरला’ बनून त्याने आम्हा सर्वांना आधार दिला. तेव्हा त्याचं एक वेगळंच रुप जाणवलं. अनेक वर्षे एकत्र असलो तरी आपण एकमेकांना सतत नव्याने उमगत असतो हेच खरं! रुचिर, तू असा हात घट्ट धरला आहेस, हे फार फार सुखाचं आहे. तुला जन्मदिनाच्या अनेकानेक शुभेच्छा!”

mrinal kulkarni
मृणाल कुलकर्णी यांनी नवऱ्याच्या वाढदिवसानिमित्त लिहिली सुंदर पोस्ट ( mrinal kulkarni )

अभिनेत्रीच्या पोस्टवर मराठी कलाविश्वातील सेलिब्रिटींनी तसेच त्यांच्या चाहत्यांनी रुचिर कुलकर्णी यांना वाढदिवसाच्या भरभरून शुभेच्छा दिल्या आहेत.

दरम्यान, अभिनय क्षेत्रात करिअर करण्यासाठी मृणाल यांना त्यांच्या घरच्यांचा खूप मोठा पाठिंबा मिळाला. वयाच्या पन्नाशी ओलांडूनही त्या कायम फिट दिसतात. त्यांचा लेक विराजस कुलकर्णी अभिनय क्षेत्रात सक्रिय आहे. ‘माझा होशील ना’ या गाजलेल्या मालिकेत त्याने मध्यवर्ती भूमिका साकारली होती. तर, मृणाल कुलकर्णींची सून शिवानी रांगोळे सध्या ‘तुला शिकवीन चांगलाच धडा’ मालिकेत अक्षरा हे प्रमुख भूमिका साकारत आहे.

Story img Loader