ज्येष्ठ अभिनेते नाना पाटेकर यांचं वयाच्या ७५ व्या वर्षी गोव्यात निधन झालं आहे. त्यांच्या निधनानंतर संपूर्ण मनोरंजन विश्वावर शोककळा पसरली आहे. गोव्यातील मणिपाल रुग्णालयात नानांनी अखेरचा श्वास घेतला. नाना पाटेकर आणि ज्येष्ठ अभिनेते अशोक सराफ यांची गेली कित्येक वर्षं खूप जवळची मैत्री होती. आपल्या जिवलग मित्राच्या निधनाची बातमी समजताच अशोक सराफ यांनाही धक्का बसला आहे. प्रसारमाध्यमांशी संवाद साधताना त्यांनी दु:ख व्यक्त केलं आहे.
अशोक सराफ म्हणाले, “मला आताच ही गोष्ट समजली…माझ्यासाठी ही अत्यंत वाईट गोष्ट आहे कारण, माझा सगळ्यात जिवलग मित्र अचानक गेला. त्याने आणि मी अभिनय क्षेत्रात एकत्र सुरुवात केली होती. तो असा अचानक गेला…मला काहीच सुचत नाहीये. तो कायम स्वत:ला फिट ठेवायचा…असा शिस्तबद्ध आयुष्य जगणारा माणूस अचानक सोडून गेला. मला अजूनही या सगळ्यावर विश्वास बसत नाहीये. आम्ही ‘हमीदाबाईची कोठी’ या नाटकात एकत्र काम केलं होतं. त्या नाटकानंतर त्याने कधीच मागे वळून पाहिलं नाही. अगदी स्पष्ट बोलणारा सरळ माणूस होता. चांगल्या लोकांशी चांगला आणि वाईटांशी वाईट असा तो माणूस होता. एखादी गोष्ट आवडली तर, भरभरून कौतुक करायचा. सर्वांना मदत करायचा…असा माणूस अचानक जावा, त्यातही माझा सगळ्यात जवळचा मित्र…मी त्याला कधीही विसरू शकत नाही.”
“१९७८ मध्ये आम्ही एकत्र ‘हमीदाबाईची कोठी’ नाटकात काम केलं होतं. त्या नाटकाआधी त्याला फार कुणी ओळखत नव्हतं…पण, त्या नाटकात नानाने असं काम केलं की, सगळीकडे त्याची चर्चा झाली. आमची मैत्री खूप वेगळी होती. तो इतका मोठा झाला, तरी त्याचा मोठेपणा दाखवला नाही. मी माझा मित्र गमावला…बाहेरून रागीट दिसणारा, पण आतून अत्यंत कोमल असा माणूस होता. आता सगळंच संपलं” असं अशोक सराफ भावुक होत म्हणाले.
