Vinesh Phogat in Paris Olympics 2024: भारतीय कुस्तीपटू विनेश फोगटने पॅरिस ऑलिम्पिक २०२४ मध्ये दमदार कामगिरी करत पदकाच्या आशा उंचावल्या आहेत. तिने आज झालेल्या उपांत्यपूर्व फेरीत युक्रेनची ओक्साना लिवाच हिचा पराभव करत उपांत्य फेरीत धडक मारली. विनेशच्या या कामगिरीसाठी तिचं कौतुक होत आहे. मराठी अभिनेता व दिग्दर्शक हेमंत ढोमेने विनेशसाठी केलेल्या पोस्टने लक्ष वेधून घेतले आहे. हेमंतने विनेशचे दोन फोटो शेअर करत त्याबरोबर कॅप्शन लिहिलं आहे. विनेश फोगटसह काही कुस्तीपटूंनी भारतीय कुस्ती महासंघाचे तत्कालीन अध्यक्ष बृजभूषण सिंह यांनी महिला खेळाडूंचे लैंगिक शोषण केल्याचा आरोप केला होता. त्यानंतर त्यांनी आंदोलन केलं होतं, त्या आंदोलनातील एक फोटो हेमंतने शेअर केला आहे, तर तिचा दुसरा फोटो हा कुस्तीच्या मैदानातील आहे. Vinesh Phogat: विनेश फोगट उपांत्य फेरीत, अवघ्या पाऊण तासात दोन बड्या कुस्तीपटूंना दिला धोबीपछाड, पाहा VIDEO "सत्याचा आणि निश्चयाचा कायम विजय होतो! खूप खूप शुभेच्छा विनेश..या देशाला, आम्हा सगळ्यांना आपला अभिमान आहे. आता गोल्ड मेडलच पाहिजे," असं हेमंतने विनेशचे फोटो शेअर करत लिहिलं आहे. हेमंत ढोमेने शेअर केलेली पोस्ट (फोटो - स्क्रीनशॉट) Neeraj Chopra Men’s Javelin Throw: भारताचा गोल्डन बॉय नीरज चोप्रा अंतिम फेरीत; ८९.३४ अंतरावर खणखणीत थ्रो, पाहा VIDEO विनेश फोगटची दमदार कामगिरी कुस्तीपटू विनेश फोगटने पॅरिस ऑलिम्पिक २०२४ मध्ये चांगली कामगिरी केली आहे. आता ती आपल्या ऐतिहासिक पदकापासून फक्त एक पाऊल दूर आहे. विनेशने कुस्तीच्या राऊंड ऑफ १६ च्या सामन्यात जपानची टोकियो ऑलिम्पिक चॅम्पियन कुस्तीपटू युई सुसाकी हिला ३-२ च्या फरकाने पराभूत केलं. या सामन्यात, विनेश पहिल्या फेरीत ०-१ ने पिछाडीवर होती पण शेवटच्या ३० सेकंदात तिने दमदार कामगिरी करत विजय मिळवला. Priyanka Goswami: ऑलिम्पिकला जाऊन रिल बनविणारी प्रियांका गोस्वामी ट्रोल; ४५ खेळाडूंमध्ये आला ४१ वा क्रमांक यानंतर विनेशने उपांत्यपूर्व फेरीत युक्रेनच्या ओक्साना लिवाचला ७-५ ने पराभूत करून उपांत्य फेरीत धडक मारली. तिने पाऊण तासात दोन सामने जिंकून उपांत्य फेरीत धडक मारली आहे. तिचा उपांत्य सामना आज रात्री १०.१५ वाजता क्युबाची कुस्तीपटू गुझमन लोपेझशी होणार आहे. आता भारतीयांचे लक्ष तिच्या उपांत्य फेरीत खेळाकडे लागले आहे.
