नागराज मंजुळे दिग्दर्शित ‘सैराट’ या चित्रपटातून रिंकू राजगुरु आणि आकाश ठोसर हे दोन नवे चेहरे प्रेक्षकांच्या भेटीला आले. २९ एप्रिल २०१६ रोजी दिग्दर्शक नागराज मंजुळे यांचा ‘सैराट’ चित्रपट प्रदर्शित झाला होता. या चित्रपटाला संपूर्ण महाराष्ट्राने अक्षरश: डोक्यावर घेतलं होतं. यामध्ये रिंकूने आर्ची, तर आकाशने परश्या ही भूमिका साकारली होती. ‘सैराट’पासून यांची जोडी घराघरांत लोकप्रिय झाली.

चित्रपट प्रदर्शित होऊन बरीच वर्षे उलटून गेली तरी आजही रिंकू-आकाशला एकत्र पाहून प्रेक्षकांना ‘सैराट’ चित्रपटाची आठवण येते. यामध्ये आर्ची-परश्याची अनोखी व हृदयस्पर्शी प्रेमकहाणी पाहायला मिळाली होती. त्यामुळे सोशल मीडियावर या जोडीला एकत्र पाहिल्यावर दोघांचे चाहते त्यांच्या फोटो व व्हिडीओजवर कमेंट्सचा पाऊस पाडतात. सध्या रिंकू-आकाशने शेअर केलेले असेच काही फोटो सोशल मीडियावर चर्चेत आले आहेत.

ravindra dhangekar on pune accident
“पुणे अपघातप्रकरणात २-३ व्यक्तींना पद्धतशीरपणे गायब केलंय”, रवींद्र धंगेकरांचा नवा आरोप; रोख नेमका कोणावर?
What Sharad Pawar Said?
शरद पवारांचं वक्तव्य, “मी कधीही मुलगी आणि पुतण्या भेद केला नाही, आत्तापर्यंत अजित पवारांना..”
Swati Maliwal Case
Swati Maliwal Case : “हा माझ्या मुलावर अन्याय आहे, तो गेली १५ वर्ष…”; बिभव कुमार यांच्या अटकेनंतर वडिलांची प्रतिक्रिया
What Shahi Tharoor Said About Sharad Pawar?
शरद पवारांच्या विलीनीकरणाच्या वक्तव्यावर शशी थरुर यांची प्रतिक्रिया, “आम्ही तर रेड कार्पेट अंथरुन..”
Mihir Kotecha, Sanjay Patil,
मुंबई विकासावर चर्चा करण्याचे कोटेचा यांचे संजय पाटील यांना आव्हान
Ajit pawar on sharad pawars
“८४ वर्षांच्या योद्ध्याला तुम्ही लढायला लावताय”, अजित पवारांची शरद पवार गटाच्या नेत्यांवर टीका; म्हणाले “त्यांना बोलताना…”
Nitesh Rane, High Court, Nitesh Rane latest news,
वडिलांच्या प्रचारात व्यग्र असल्याने उत्तर दाखल करण्यास मुदतवाढ द्या, नितेश राणेंची उच्च न्यायालयात मागणी
young woman suicide koparkhairane, navi Mumbai rape marathi news
युवतीच्या आत्महत्येस कारण असलेल्या दोन युवकांच्या विरोधात सहा महिन्यांनी गुन्हा दाखल 

हेही वाचा : शाही लग्नसोहळ्यानंतर नुपूर शिखरेची पत्नी आयरा खानसाठी रोमँटिक पोस्ट; म्हणाला, “मला तुझ्याबरोबर…”

रिंकू व आकाशने नुकतीच एकत्र आयरा खान आणि नुपूर शिखरेच्या रिसेप्शन पार्टीला हजेरी लावली होती. यावेळी आकाशने काळ्या रंगाची शेरवानी परिधान केली होती, तर रिंकूने जांभळ्या रंगाची साडी नेसली होती. दोघांच्या लूकने सर्वांचं लक्ष वेधून घेतलं होतं. या सोहळ्यातील काही फोटो दोघांनी सोशल मीडियावर शेअर केले आहेत.

हेही वाचा : आमिर खानच्या लेकीचा रिसेप्शन पार्टीतला लेहंगा तयार करायला लागले होते तब्बल ‘इतके’ महिने, डिझायनर म्हणाली…

rinku
रिंकू राजगुरू – आकाश ठोसर

रिंकू-आकाशने शेअर केलेल्या फोटोंवर नेटकऱ्यांनी “आता लवकर लग्न करा”, “अर्ची परश्या तुमची जोडी एक नंबर आहे. भाऊ आता लवकर उरकून टाका”, “तारीख काय ठरली मग लग्नाची” अशा असंख्य कमेंट्स केल्या आहेत. त्यामुळे या लोकप्रिय ऑनस्क्रीन जोडीचे ऑफस्क्रीन फोटो पाहून सध्या सोशल मीडियावर चर्चांना उधाण आल्याचं पाहायला मिळत आहे. परंतु, रिंकू-आकाशने अद्याप या कमेंट्सवर कोणतीही प्रतिक्रिया दिलेली नाही. काही दिवसांपूर्वी एका चाहत्याला ‘आस्क मी सेशन’मध्ये उत्तर देताना रिंकूने ती सिंगल असल्याचं सांगितलं होतं.