scorecardresearch

रितेश देशमुखला कौतुक पत्नीचं! पोस्ट शेअर करत म्हणाला, “आमची जिनिलीया…”

रितेश देशमुख आणि जिनिलीया देशमुख यांच्यासाठी त्यांचा ‘वेड’ हा चित्रपट खूप खास ठरला आहे.

रितेश देशमुखला कौतुक पत्नीचं! पोस्ट शेअर करत म्हणाला, “आमची जिनिलीया…”

रितेश देशमुख आणि जिनिलीया देशमुख यांच्यासाठी त्यांचा ‘वेड’ हा चित्रपट खूप खास ठरला आहे. या चित्रपटाच्या निमित्ताने रितेशने दिग्दर्शनात पदार्पण केलं तर जिनिलीयाने मराठी मनोरंजन सृष्टीत पाऊल टाकलं. या चित्रपटाला प्रेक्षकांनी अक्षरशः डोक्यावर घेतलं आहे. या चित्रपटासाठी या दोघांनीही प्रचंड मेहनत घेतली. आतापर्यंत अनेक मुलाखतींमध्ये त्यांनी ‘वेड’ चित्रपटातील कामासाठी एकमेकांचं कौतुक केलं आहे. आता रितेशने सोशल मीडियावरून पत्नीची स्तुती केली.

‘वेड’ या चित्रपटावर सध्या सर्वत्र कौतुकाचा वर्षाव होत आहे. या चित्रपटाच्या कथेने, दिग्दर्शनाने, चित्रपटातील गाण्यांनी, कलाकारांच्या अभिनयाने प्रेक्षकांना चांगलीच भुरळ घातली आहे. या चित्रपटात जिनिलीयाने ‘श्रावणी’ ही भूमिका साकारली आहे. या चित्रपटाला मिळणारा प्रतिसादाबद्दल जिनिलीयाने नुकतीच एक पोस्ट शेअर केली होती. एक व्हिडीओ पोस्ट करत तिने सर्व प्रेक्षकांचे आभार मानले होते. आता जिनिलीयाची हीच पोस्ट रितेशने त्याच्या इन्स्टाग्राम स्टोरीवर शेअर केली आहे.

आणखी वाचा : “मी सर्वांना ‘तुम्ही’ पण फक्त आईला ‘तू’ अशी हाक मारतो कारण…” रितेश देशमुखच्या उत्तराने जिंकलं मन

एक व्हिडीओ पोस्ट करत कॅप्शनमध्ये जिनिलीयाने लिहिलं होतं, “रिक्षातून भर पावसात तिचा उजवा पाय बाहेर पडतो. ती छत्री उघडते आणि पहिल्यांदा पडद्यावर दिसते. ‘श्रावणी’चं टाळ्या, शिट्ट्यांनी तुम्ही स्वागत केलं. पण ते माझं ही मराठी चित्रपट जगातलं पहिलं पाऊल होतं. तुम्ही श्रावणीला दिलेल्या प्रचंड प्रतिसादाबद्दल मनापासून धन्यवाद.” आता तिचा हा व्हिडीओ रितेशने शेअर केला आणि लिहिलं, “आमची जिनिलीया…तुमची श्रावणी.”

हेही वाचा : “… तर आज ‘वेड’ माझ्याऐवजी ‘त्याने’ दिग्दर्शित केला असता,” रितेश देशमुखचा चित्रपटाबाबत मोठा खुलासा

या चित्रपटाची चित्रपटगृहात यशस्वी घोडदौड सुरू आहे. प्रदर्शनानंतर तीन दिवसांतच या चित्रपटाने कमाईचा एकूण दहा कोटींचा आकडा पार केला. तर सर्वत्र या चित्रपटाचे शो हाउसफुल होताना दिसत आहेत.

मराठीतील सर्व मराठी सिनेमा ( Marathi-cinema ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 04-01-2023 at 14:01 IST

संबंधित बातम्या