यंदाचा ‘झी चित्र गौरव पुरस्कार सोहळा’ हा खूप अविस्मरणीय ठरणार आहे कारण अनेक दिग्गज कलाकारांचे धमाकेदार परफॉर्मन्स पाहता येणार आहेत. ‘पुष्पा’फेम अभिनेत्री रश्मिका मंदाना या सोहळ्यात खास हजेरी लावून एक धमाकेदार नृत्य सादर करणार आहे. याबरोबरच मराठीतली सदाबहार जोडी सचिन पिळगावकर आणि सुप्रिया पिळगावकर बऱ्याच काळानंतर एकत्र धमाकेदार सादरीकरण करणार आहेत.

या पुरस्कार सोहळ्याचं आणखी एक वैशिष्ट्य म्हणजे ‘जीवनगौरव पुरस्कार’, यावर्षी या जीवनगौरव पुरस्काराचे मानकरी ठरले ते म्हणजे आपले लाडके मामा म्हणजेच अभिनय सम्राट ‘अशोक सराफ’. पन्नासच्या वर हिंदी सिनेमे, दोनशेच्या आसपास मराठी सिनेमे, पंधरा टीव्ही मालिका, पंचवीस नाटकं आणि पुरस्काराचं अर्धशतक एवढा प्रचंड प्रवास आहे मामांचा. जो आजही तेवढ्याच ताकदीने सुरू आहे.

Narendra Modi In Radhika- Anant Ambani Wedding
नरेंद्र मोदी यांनी नीता अंबानींना वाकून केला नमस्कार? फोटो पाहून लोक म्हणतात, “मालकिणीसमोर तर..”, वाचा खरं काय
Smriti Singh | स्मृती सिंग
“स्मृती सिंग यांनी प्रेमाच्या नावाखाली…”, शहीद अंशुमन सिंग यांच्या वडिलांचा गंभीर आरोप!
gautam gambhir hugs shahrukh khan
Anant Radhika Wedding: गौतम गंभीर-किंग खानचा अंबानींच्या लग्नात ‘ब्रोमान्स’, एकमेकांना पाहताच… VIDEO व्हायरल
laxmi narayan yoga influence of Mercury-Venus four zodiac sign are happy
पैसाच पैसा! पुढचे सहा दिवस बुध-शुक्राच्या प्रभावाने ‘या’ चार राशीधारकांच्या आयुष्यात येणार आनंदी आनंद
anshuman singh wife smruti singh
शहीद कॅप्टन अंशुमन सिंह यांच्या पत्नी स्मृती सिंह चर्चेत कशा आल्या? त्यांच्यावरील अश्लील शेरेबाजीचा वाद काय?
Kalidas artful clown marathi news
कालिदासाचे कलामर्मज्ञ विदूषक
Loksatta chaturanga life husband and wife relationship
इतिश्री : कसोटीनंतरचा नात्यांचा पडताळा!
Joe Biden Donald Trump United States presidential election democratic contenders replace biden
बोलताना अडखळतात, चालताना धडपडतात! बायडन यांची उमेदवारी गेली तर या सहांपैकी कुणालाही मिळू शकते संधी!

आणखी वाचा : थकलेला चेहेरा, डोळ्यात दाटलेलं पाणी; मृणाल ठाकूरने ‘तो’ फोटो शेअर करत मांडली तिची व्यथा

या सोहळ्यात अभिनेता सिद्धार्थ जाधवने आपल्या नृत्याविष्काराने अशोक मामांचा जीवन प्रवास उलगडत अनोखी मानवंदना दिली आहे. नुकताच या खास स्पेशल क्षणाचा एक टीझर झी मराठीने त्यांच्या सोशल मीडिया अकाऊंटवर शेअर केला आहे. या व्हिडिओमध्ये नृत्य सादर करून झाल्यावर सिद्धार्थ जाधवने जे केलं ते पाहून तिथल्या कित्येकांच्या डोळ्यात पाणी आलं.

आपला परफॉर्मन्स सादर करून झाल्यावर सिद्धार्थ जाधव भावूक होऊन मंचावरुन खाली उतरला. त्याने हातातील फुलांचा हार अशोक सराफ यांना घातला अन् तिथेच त्याने अशोक सराफ यांना साष्टांग दंडवतदेखील घातला. हे पाहताच अशोक मामाही खूप भावूक झाले, त्यांनीदेखील हात जोडून सिद्धार्थने दिलेली मानवंदना स्वीकारली. यावेळी मराठी चित्रपटसृष्टीतील कित्येक मोठमोठे कलाकार उपस्थित होते. सिद्धार्थची ही कृती पाहून अलका कुबल, महेश कोठारे, जयवंत वाडकर, सचिन पिळगांवर यांच्याही डोळ्यात आनंदाश्रू आले.

नंतर अशोक सराफ यांचा हात धरून सचिन पिळगांवकर हे त्यांना मंचावर घेऊन गेले आणि तिथे येताच अशोक सराफ यांनी मायबाप रसिक प्रेक्षकांचे हात जोडून आभार मानले. हा व्हिडिओ सध्या सोशल मीडियावर चांगलाच व्हायरल होत आहे. झी चित्र गौरव पुरस्कार सोहळा प्रेक्षकांना रविवार २६ मार्च संध्या. ७ वा. झी मराठीवर पाहता येणार.