scorecardresearch

“मुलगीच हवी होती मला, एक अशी…” सोनाली कुलकर्णीने बालिका दिनानिमित्त लेकीसाठी केली खास पोस्ट

आज राष्ट्रीय बालिका दिनानिमित्त सोनालीने तिची मुलगी कावेरीसाठी एक स्पेशल पोस्ट केली आहे.

“मुलगीच हवी होती मला, एक अशी…” सोनाली कुलकर्णीने बालिका दिनानिमित्त लेकीसाठी केली खास पोस्ट
(फोटो – फेसबूक)

अभिनेत्री सोनाली कुलकर्णीने मराठीबरोबरच हिंदी सिनेसृष्टीत आपली ओळख निर्माण केली आहे. सोनालीने मराठीसह अनेक हिंदी चित्रपटांमध्ये काम केलंय. आज राष्ट्रीय बालिका दिनानिमित्त सोनालीने तिची मुलगी कावेरीसाठी एक स्पेशल पोस्ट केली आहे. आपल्याला कायमच एक मुलगी हवी होती, असं सोनालीने तिच्या पोस्टमध्ये म्हटलंय.

“मुलगीच हवी होती मला..
एक अशी आयुष्यात दंग होणारी ठकुताई हवीच होती मला..
तिच्या पसाऱ्यात मी मला सापडते..
तिच्या पानाफुलांमधे ती हरवलेली असते..
खूप वेचत असते..
खूप शिकत असते..
खूप जास्त शहाणं करत असते आम्हाला सगळ्यांना
आम्ही खरंच भाग्यवान आहोत, आमच्या घरी ह्या कावेरी नदीचा उगम झालाय..” असं सोनालीने तिच्या पोस्टमध्ये म्हटलंय.

सोनाली कुलकर्णीने २४ मे २०१० रोजी बालाजी टेलिफिल्म्सचे सीईओ नचिकेत पंत-वैद्यशी केलं होतं. लग्नाच्या दोन वर्षांनी तिची मुलगी कावेरीचा जन्म झाला. सोनाली कुलकर्णीने संसार आणि करिअर दोन्ही अगदी उत्तम सांभाळलं. ती सोशल मीडियावर खूप सक्रिय आहे. ती पती आणि मुलीबरोबर वेळ घालवत असते. त्यांच्याबरोबरचे फोटो, व्हिडीओ सोशल मीडियावर शेअर करत असते.

मराठीतील सर्व मराठी सिनेमा ( Marathi-cinema ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 24-01-2023 at 14:08 IST

संबंधित बातम्या