लहानपणी आपण ‘अलीबाबा आणि चाळीस चोर’ ही कथा नक्कीच ऐकली असेल. मात्र, आता याच नावाचा एक चित्रपट लवकरच प्रेक्षकांच्या भेटीला येणार आहे. ‘अलीबाबा आणि चाळीशीतले चोर’ असे या चित्रपटाचे नाव आहे. नुकतेच या चित्रपटाच्या प्रदर्शनाची तारीख जाहीर करण्यात आली. या चित्रपटामध्ये तगडी स्टारकास्ट बघायला मिळणार आहे.

येत्या २९ मार्चला हा चित्रपट चित्रपटगृहामध्ये प्रदर्शित होणार आहे. या चित्रपटात सुबोध भावे, मुक्ता बर्वे, उमेश कामत, श्रृती मराठे, अतुल परचुरे, मधुरा वेलणकर आणि आंनद इंगळे यांच्यासारखे दिग्गज कलाकार झळकणार आहेत. : नितीन वैद्य प्रॉडक्शन्स प्रस्तुत आणि मृदगंध फिल्म्स एल. एल. पी. निर्मित या चित्रपटाच्या दिग्दर्शनाची धुरा आदित्य इंगळे यांनी सांभाळली आहे.

sonali khare clarifies age difference between husband and her
“आमच्यात २७ वर्षांचं अंतर नाही”, सोनाली खरेने थेट सांगितली नवऱ्यासह तिची जन्मतारीख; म्हणाली, “बायका त्यांचं वय…”
Mukta Barve danced with Laxmikant berde in the film Khatyal Sasu Nathal Sun
लक्ष्मीकांत बेर्डेंबरोबर जबरदस्त नाचली होती मुक्ता बर्वे, अवघ्या चार वर्षांची असताना झळकली होती ‘या’ लोकप्रिय चित्रपटात
sharad ponkshe reacts on Swatantra Veer Savarkar movie
शरद पोंक्षेंची रणदीप हुड्डाच्या ‘स्वातंत्र्य वीर सावरकर’ चित्रपटाबद्दल पोस्ट; म्हणाले, “खूप लोक…”
Maharashtrachi Hasyajatra fame prithvik pratap and prajakta mali video viral
Video: पृथ्वीक प्रतापने शेअर केला प्राजक्ता माळीबरोबर ऑस्ट्रेलियातून व्हिडीओ, नेटकरी म्हणाले, “मग कर्जतचं फार्म हाऊस…”

चित्रपटाचे लेखन विवेक बेळे यांनी केले आहे. नितीन प्रकाश वैद्य, वैशाली विराज लोंढे, निखिल वराडकर आणि संदीप देशपांडे यांनी या चित्रपटाची निर्मिती केली आहे. अजित परब यांनी या चित्रपटाला संगीत दिले असून वैभव जोशी यांनी या चित्रपटातील गाणी लिहिली आहे.

हेही वाचा- “इतकी वर्षे एकत्र ..”; लग्नाच्या वाढदिवसानिमित्त वंदना गुप्तेंनी शेअर केला ५१ वर्षांपूर्वीचा जुना फोटो, म्हणाल्या….

अभिनेत्री मुक्ता बर्वेने ‘अलीबाबा आणि चाळीशीतले चोर’ या चित्रपटाचा टीझर आपल्या इन्स्टाग्रामवर शेअर केला आहे. प्रेक्षकांकडून या टीझरला भरभरुन प्रतिसाद मिळत आहे. चित्रपटाच्या हटक्या नावानेच प्रेक्षकांच्या मनात चित्रपटाच्या कथेबाबत उत्सुक्ता निर्माण झाली आहे. विवाहित असण्याचा गुन्हा चित्रपटातील या चाळीशीतील चोरांनी केला आहे. त्यामुळे विवाहित असणे गुन्हा आहे का? आणि हे नेमके काय प्रकरण आहे? तुम्हाला पडलेल्या या प्रश्नांची उत्तर हा चित्रपट प्रदर्शित झाल्यानंतरच कळणार आहे.