अभिनेता सुनील बर्वे यांनी नाटक, मालिका, सिनेमा अशा विविध माध्यमांतून प्रेक्षकांचं मनोरंजन केलं. मराठीसह हिंदी, गुजराती भाषिक मालिकेतही त्यांनी काम केलं. सध्या ‘स्वरगंधर्व सुधीर फडके’ या त्यांच्या आगामी चित्रपटाच्या प्रमोशनमध्ये ते व्यस्त आहेत. यादरम्यान त्यांनी अनेक मुलाखती दिल्या. अशाच एका मुलाखतीत सचिन पिळगावकर आणि वंदना गुप्ते यांनी त्यांच्या कामाचं कशाप्रकारे कौतुक केलं याचा किस्सा सांगितला आहे.

‘राजश्री मराठी’ला दिलेल्या मुलाखतीत जेव्हा त्यांना विचारण्यात आलं की, अशी कोण व्यक्ती आहे, जिने भरभरून तुमच्या कामाचं कौतुक केलंय. यावर सुनील बर्वे म्हणाले, “वंदना गुप्तेने माझं खूप कौतुक केलंय. तिला माझ्या कामाबद्दल खूप कौतुक होतं. मी गाडी घेतली होती तेव्हा तिने मला एक पत्र दिलं होतं, ज्याच्यामध्ये तिने लिहिलं होतं की पहिलं नाटक, पहिला सिनेमा त्या सगळ्या पहिल्यामध्ये मी तुझ्याबरोबर होते; त्यामुळे पहिल्या गाडीतलं पहिल डिझेलसुद्धा माझ्याकडून. असं म्हणून तिने मला एक पाकीट दिलं होतं आणि पहिलं डिझेल माझ्या गाडीत तिने भरलं होतं. ही पावती कशाची होती, तर मी तिच्याबरोबर जे काम केलं त्याची पोचपावती होती ती आणि त्याचं कौतुक होतं तिला.”

Shriya Pilgaonkar reacts on fake news of being adopted by parents supriya sachin Pilgaonkar hrc 97
श्रिया सुप्रिया व सचिन पिळगांवकरांची दत्तक मुलगी आहे? स्वतः उत्तर देत म्हणाली, “माझं जन्म प्रमाणपत्र…”
What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
UP 10th Standard Topper Girl Prachi Nigam Facial Hair Controversy
अगं प्राची, दहावी बोर्डात पहिली आलीस पण चेहऱ्यावरचे केस काढता आले नाही? नक्की लाज कुणी सोडलीये?
Marathi actor pushkar Shrotri talk about trolling
“आम्ही तुम्हाला किंमतही देत नाही,” चिन्मय मांडलेकर, क्षिती जोगच्या ट्रोलिंगवरून भडकला पुष्कर श्रोत्री, म्हणाला, “ट्रोलर्सच्या टोळीला नेस्ताबूत…”
Sunil Barve gave all money to Mrunmayee Deshpande while kunku serial
“त्याच्याकडे जेवढे पैसे होते ते…”, मृण्मयी देशपांडेने सांगितला सुनील बर्वेंबरोबरचा कुंकू मालिकेतील ‘तो’ अनुभव
Viral Video Watch Farmer Helps Woman Who Had Her Skirt Ripped At Bus Stop Video will win your heart
बापमाणूस! बस स्टॉपवर फाटला तरुणीचा स्कर्ट; मदतीसाठी ‘त्यानं’ पुढे केला हात, पाहा हृदयस्पर्शी VIDEO
Woman Strips At Petrol Pump video viral
पेट्रोल पंपावर तरुणीचे लज्जास्पद कृत्य; कर्मचाऱ्यासमोर पँट काढली अन्…; Video व्हायरल
marathi actress Supriya Pilgaonkar react on chinmay mandlekar getting trolled for his son name jehangir
“जहांगीर…”, चिन्मय मांडलेकरच्या लेकाच्या नावावरील ट्रोलिंगवर सुप्रिया पिळगावकरांची मार्मिक पोस्ट, म्हणाल्या…

हेही वाचा… “यापुढे मी महाराजांची भूमिका करणार नाही”, मुलाच्या नावाने होणाऱ्या ट्रोलिंगबद्दल चिन्मय मांडलेकर स्पष्टच म्हणाला…

“तसंच सचिन पिळगावकरांनीसुद्धा माझं अनेकदा कौतुक केलंय. ‘अशी ही आशिकी’ नावाचा आम्ही एक चित्रपट केला होता. तेव्हा चित्रपटातला एक सीन संपल्यानंतर त्यांनी मला अशीच एक नोट दिली होती.”

“कुंकू मालिकेतल्या एका सीनसाठी त्यांनी पार्टीमध्ये माझं कौतुक केलं होतं. ते म्हणाले की, त्या सीनमध्ये तू काहीही करत नव्हतास, तू फक्त मागे उभा होतास, पण ज्या पद्धतीने तू मृण्मयीकडे बघत होतास ना त्याच्यावर मी फिदा झालो आणि मी खूश झालो.”

हेही वाचा… “अभ्यास सो़डून हे काय…”, भाऊ कदमांनी लेक मृण्मयीच्या ‘त्या’ निर्णायाला केला होता विरोध

“एकदा सचिन पिळगांवकर हर्बेरियमच्या उपक्रमासाठी ‘झोपी गेलेला जागा झाला’साठी आले होते आणि पहिल्या रांगेत ते बसले होते. मी शेवटी येऊन कर्टन कॉल घेत होतो तेव्हा ते उठून सगळ्या प्रेक्षकांसमोर ओरडून म्हणाले होते, काय काम करतोयस तू सुनील, क्या बात है. इतकं तोंडभरून कौतुक करणारी माणसंपण खूप कमी असतात. ही मंडळी प्रोत्साहन देणारी आहेत, तेव्हा आपल्यालाही असं वाटत की आपण जे करतोय ते योग्य दिशेने करतोय, अगदी बरोबर करतोय.”

हेही वाचा… “एकापेक्षा एक नमुने…”, ‘सातव्या मुलीची सातवी मुलगी’ मालिकेतील अभिनेत्रींचा कॉमेडी व्हिडीओ व्हायरल; नेटकरी म्हणाले…

दरम्यान, ‘स्वरगंधर्व सुधीर फडके’ या चित्रपटात सुनील बर्वे यांनी प्रमुख भूमिका साकारली आहे. ‘बाबुजीं’ची जीवनगाथा सांगणारा ‘स्वरगंधर्व सुधीर फडके’ हा चित्रपट येत्या १ मे रोजी सिनेमागृहात प्रदर्शित होत आहे. चित्रपटाची निर्मिती सौरभ गाडगीळ आणि योगेश देशपांडे यांनी केली आहे. सुनील बर्वे यांच्यासह मृण्मयी देशपांडे, सागर तळाशीकर, मिलिंद फाटक, आदिश वैद्य, सुखदा खांडकेकर, अपूर्वा मोडक, अविनाश नारकर, शरद पोंक्षे, उदय सबनीस, चिन्मय पटवर्धन, निखिल राऊत, विभावरी देशपांडे, धीरेश जोशी, परितोष प्रधान यांच्या या चित्रपटात महत्त्वाच्या भूमिका आहेत.