मराठी मनोरंजन सृष्टीतील चॉकलेट बॉय अशी ओळख असणारा अभिनेता स्वप्निल जोशी याचा चाहतावर्ग खूप मोठा आहे. नाटक, मालिका, चित्रपट, वेब सिरीज अशा सगळ्याच माध्यमातून त्याने आपल्या अभिनयाचा ठसा उमटवला आहे. त्याच्या कामाबरोबरच तो त्याच्या वैयक्तिक आयुष्यातल्या घडामोडीही सोशल मीडियावर सक्रिय राहत चाहत्यांची शेअर करत असतो. आता त्याच्या लेकीचा एक फोटो शेअर करत तो भावूक झालेला दिसला. स्वप्निल सोशल मीडियावर नेहमीच सक्रिय असतो. स्वप्निल त्याच्या कुटुंबियांबरोबर मजा मस्ती करत असतो. तो जितका चांगला अभिनेता आहे तितकाच चांगला वडीलही आहे. स्वप्निल बऱ्याचदा आपल्या मुलांसोबत नेहमीच वेळ घालवताना दिसून येतो. दरम्यान स्वप्निल जोशीने त्याच्या लेकीसाठी एक खास पोस्ट केली. ही पोस्ट प्रचंड चर्चेत आली आहे. आणखी वाचा : स्वप्निल जोशी ‘तू तेव्हा तशी’ मालिकेच्या एका भागासाठी आकारतो ‘इतके’ मानधन, किंमत ऐकून व्हाल थक्क स्वप्निलने त्याची मुलगी मायराचं एक रील शेअर केलं. यामध्ये ती इरकली साडी नेसलेली दिसत असून तिने पारंपारिक दागिने परिधान केले आहेत. हे रील शेअर करत स्वप्निलने लिहिलं, "अचानक मोठी झाली यार." ही पोस्ट शेअर करताना तो भावूक झालेला दिसला. हेही वाचा : Video: रितेश देशमुखच्या प्रश्नाचं करीना कपूरने दिलं मराठीत उत्तर, म्हणाली…; व्हिडीओ व्हायरल स्वप्निलची ही पोस्ट सध्या सोशल मीडियावर चर्चेत आली आहे. या पोस्टवर त्याच्या चाहत्यांनी तसेच मनोरंजन सृष्टीतील त्याच्या मित्रमंडळींनी कमेंट करत मायराचं कौतुक केलं आहे. त्याचप्रमाणे "तुझ्या भावनांशी आम्ही सहमत आहोत," असंही अनेकांनी सांगितलं.
