आई कुठे काय करते ही छोट्या पडद्यावरील अतिशय लोकप्रिय मालिका आहे. ही मालिका प्रेक्षकांचे मनोरंजन करत आहे. मात्र ही मालिका सध्या नेटकऱ्यांच्या निशाण्यावर आली आहे. मालिकेत अरूंधतीचा मायाळू आणि सगळ्यांना सांभाळून घेणारा स्वभाव सर्वानाच आवडत असला तरी सध्या दाखवण्यात येत असलेले कथानक प्रेक्षकांना फारसा पटलेले नसल्याचे दिसत आहे. आता सोशल मीडियावर मालिकेवर काही मीम्स व्हायरल झाले आहेत. हे पाहून तुम्हाला हसू अनावर होईल. व्हायरल होणाऱ्या या मीम्समध्ये संजना रडताना दाखवण्यात आली आहे. तसेच तिच्या या फोटो खाली बाई दोन थोबाडीत मार पण प्रवचन देऊ नकोस असे लिहिण्यात आले आहे. तर अरुंधतीच्या फोटोवर 'घटस्फोट घेऊन चार चारदा घरी परत येणारी माणसं आहोत आम्ही' असे लिहिण्यात आले आहे. सध्या सोशल मीडियावर या मीम्स तुफान व्हायरल झाले आहेत. काही दिवसांपूर्वीच संजना आणि अनिरुद्ध विवाहबंधनात अडकले. अनेक अडचणींनंतर संजना आणि अनिरुद्ध एकत्र आले आहे. अप्पांनी घराचा अर्धा हिस्सा अरुंधतीच्या नावावर केल्यामुळे अरुंधती देखील देशमुख कुटुंबीयांसोबत राहताना दिसत आहेत. संजनामुळे घरात सतत वाद होत असतात.'