‘आमिरच्या निर्णयाचा मी पूर्णपणे आदर करतो. पण मी निर्दोष आहे आणि न्यायालयात मी ते नक्कीच सिद्ध करेन’ असं कपूर ‘दी इंडियन एक्स्प्रेस’ला दिलेल्या मुलाखतीत म्हणाले आहे. गितीका त्यागीनं २०१४ मध्ये सुभाष कपूर यांच्यावर लैंगिक अत्याचाराचे आरोप केले होते. २०१२ मध्ये कपूर यांनी आपल्यावर बळजबरी करण्याचा प्रयत्न केला अशी तक्रार तिनं केली होती. हे प्रकरण न्यायप्रविष्ट आहे.
मंगळवारी गितीका त्यागी हिनं ट्विट करत ‘किरण राव हिचा पती आमिर खान स्वत: लैंगिक अत्याचाराचे आरोप असलेल्या व्यक्तीसोबत काम करत आहे.’ असं म्हटलं होतं. त्यानंतर रात्री उशीरा आमिर आणि किरण यांनी चित्रपट न करण्याचा निर्णय जाहीर केला. ‘सामाजिक समस्यांचं निराकरण करण्यात आम्ही प्रतिबद्ध आहोत. आम्ही कोणत्याही प्रकारच्या लैंगिक छळाचा निषेध करतो आणि अशा प्रकरणांमध्ये खोट्या आरोप करणाऱ्यांचीही निंदा करतो, आम्ही ज्या दिग्दर्शकासोबत काम करणार आहोत त्यांच्यावर लैंगिक छळाचे आरोप आहेत त्यामुळे आम्ही त्याच्यासोबत काम न करण्याचा निर्णय घेतला आहे’ अशी माहिती आमीरनं सोशल मीडियाद्वारे दिली.
