गुन्हेगारी विश्वावर आधारित असलेल्या मिर्झापूर या वेब सीरिजचे दोन सीझन प्रेक्षकांच्या भेटीला आले. मिर्झापूरचा दुसरा सीझन तर रिलीजच्या अवघ्या एका आठवड्यातच अ‍ॅमेझॉन प्राइमवरील सर्वाधिक पाहिली गेलेला सीझन ठरला. आता अ‍ॅमेझॉन प्राइमने ‘मिर्झापूर ३’ची घोषणा केली आहे.

या बातमीसह सर्व प्रीमियम कंटेंट वाचण्यासाठी साइन-इन करा

चाहते तसेच समीक्षकांकडून ‘मिर्झापूर २’च्या कथानकाचे, अभिनेत्यांच्या अभिनयाचे कौतुक झाले. प्रेक्षकांनी तर दुसरा सीझन डोक्यावर उचलून धरला होता. ‘मिर्झापूर २’ या सीरिजमध्ये पंकज त्रिपाठी, अली फजल, कुलभूषण खरबंदा यांच्या प्रमुख भूमिका आहेत. २३ ऑक्टोबर रोजी ‘मिर्झापूर २’ या वेबसीरिजचा दुसरा सिझन अ‍ॅमेझॉन प्राईमवर प्रेक्षकांच्या भेटीला आला. कालीन भय्या, मुन्ना भय्या आणि गुड्डू भय्या यांच्यातली जबरदस्त टक्कर या सिझनमध्ये पाहायला मिळाली.

उत्तरेकडील राजकारण आणि त्यातून येणारी गुंडगिरी याचे उत्तम चित्रीकरण मिर्झापूरमध्ये करण्यात आले आहे. एक्सेल मीडिया अँड एंटरटेनमेंट निर्मित मिर्झापूरच्या तिसर्‍या सीझनला हिरवा झेंडा दाखविला आहे हे ऐकताच चाहत्यांना आनंद झाला आहे. आता चाहते मिर्झापूरच्या तिसऱ्या सीझनसाठी प्रचंड उत्सुक आहेत.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Mirzapur 3 announcement by amazon prime avb
First published on: 12-11-2020 at 18:19 IST