अभिनेता नवाजुद्दीन सिद्दीकीची बहीण सायमा तमशी सिद्दीकी हिने जगाचा निरोप घेतला. कर्करोगामुळे वयाच्या २६ व्या वर्षी तिने अखेरचा श्वास घेतला. पुण्यातल्या रुग्णालयात तिचे निधन झाले. गेल्या आठ वर्षांपासून सायमा कर्करोगाशी झुंज देत होती. नवाजुद्दीनचा भाऊ अयाझुद्दीन सिद्दीकीने सायमाच्या निधनाचे वृत्त दिले. त्याने दिलेल्या माहितीनुसार, बहिणीचं निधन झालं तेव्हा नवाजुद्दीन कामानिमित्त अमेरिकेत होता. सायमाला ब्रेस्टकॅन्सर असल्याचं नवाजुद्दीनने सोशल मीडियावर गेल्या वर्षी एक पोस्ट लिहित सांगितलं होतं. My sister ws diagnosed of advanced stage #breastcancer @ 18 bt it ws her will power & courage dat made her stand agnst all d odds she turns 25 2day & still fighting M thankful 2 Dr.@koppiker & @Lalehbusheri13 fr motivating her & m rly grateful 2 @resulp Sir fr introducng me 2 dem pic.twitter.com/xHsBK8uJDP — Nawazuddin Siddiqui (@Nawazuddin_S) October 13, 2018 उत्तरप्रदेशमधील बुढाणा इथं नवाजुद्दीनच्या गावी सायमाच्या पार्थिवावर रविवारी सकाळी आठ वाजता अंत्यसंस्कार करण्यात येतील.