scorecardresearch

“स्वत:ला साडी सांभाळता येत नाही का?”; नोरा फतेहीवर नेटकरी संतापले

नोरा फतेहीचा व्हिडीओ सोशल मीडियावर व्हायरल झाला आहे.

nora fatehi

अभिनेत्री आणि डान्सर नोरा फतेहीचे लाखो चाहते आहेत. नोराच्या घायाळ करणाऱ्या अदांनी आजवर अनेकांना भुरळ घातली आहे. मात्र नोराने सध्या चाहत्यांचा रोष ओढावून घेतलाय आणि यासाठी कारण ठरला आहे तो म्हणजे मुंबईचा पाऊस.

मुंबईतील पाऊस म्हंटलं की रस्त्यावरून चालण्याची अनेकदा मोठी पंचायत असते. असंच काहीसं नोरासोबतही झालं. नोरा फतेही जेव्हा ‘डान्स दिवाने’ शोच्या सेटवर पोहचली तेव्हा नेमकीच पावसाने हजेरी लावली होती. यावेळी नोराने फिक्या गुलाबी रंगाची सुंदर साडी परिधान केली होती. मात्र पावसामुळे तिला साडी सावरणं कठीण झालं होतं. यासाठी तिने तिच्या बॉडीगार्डची मदत घेतली. नोराचा गाडीतून उतरतानाचा हा व्हिडीओ सध्या सोशल मीडियावर चांगलाच व्हायरल झाला आहे. या व्हिडीओवर नेटकऱ्यांनी संताप व्यक्त केलाय.

सिनेफोटोग्राफर मानव मंगलानी यांनी नोराचा एक व्हिडीओ सोशल मीडियावर शेअर केलाय. ज्यात नोरा गाडीतून उतरताना दिसतेय. पाऊस पडत असल्याने एका बॉडीगार्डने नोरासाठी छत्री पकडली आहे. तर दुसरा बॉडीगार्ड नोराची साडी आणि पदर सांभाळताना दिसत आहे. यावेळी तो स्वत: पावसात भिजून नोराची साडी भिजू नये म्हणून प्रयत्न करताना दिसतोय. हा व्हिडीओ पाहून नेटकरी मात्र संतापले आहेत. अनेकांनी तिला ट्रोल केलंय.

या व्हिडीओवर कमेंट करत एक नेटकरी म्हणाला, “तुम्ही घातलेले कपडे दुसऱ्यांनी सांभाळायचे.” तर आणखि एक युजर म्हणाला, “स्वत:चे कपडे सांभाळणं इतकही कठीण नाही.” आणखी एक म्हणाला, “ही कुठली महाराणी आहे.”

‘आरआरआर’ ही एक गे लव्हस्टोरी; आलिया भट्ट तर फक्त….

nora-fatehi
(फोटो सौजन्य- मानव मंगलानी)

नोराच्या या व्हिडीओवर कमेंट करत एक नेटकरी म्हणाला, “हे खुपच वाईट आहे. मदतनीसांना ती गुलाम म्हणून वागवतेय. अशा फिल्म स्टार्सना महत्व देणं थांबवलं पाहिजे.” तर अनेक नेटकऱ्यांनी नोरावर टीका केलीय. तर तिच्या बॉडीगार्डबद्दल सहानुभूती व्यक्त केलीय.

नोराने तिच्या जबरदस्त डान्सने बॉलिवूडमध्ये स्वत:च स्थान निर्माण केलंय. सध्या नोरा ‘डान्स दिवाने ज्युनियर’ या शोमध्ये जजची भूमिका पार पाडतेय.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Nora fatehi viral video in rain bodygaurd helping carrying her saree kpw

ताज्या बातम्या