actress yami gautam upcoming film lost releasing on ott platform spg 93 | यामी गौतमचा 'लॉस्ट' हा थरारपट लवकरच प्रेक्षकांच्या भेटीला; 'या' ओटीटी प्लॅटफॉर्मवर होणार प्रदर्शित | Loksatta

यामी गौतमचा ‘लॉस्ट’ हा थरारपट लवकरच प्रेक्षकांच्या भेटीला; ‘या’ ओटीटी प्लॅटफॉर्मवर होणार प्रदर्शित

नुकताच हा चित्रपट गोव्यातील इफ्फी चित्रपट महोत्सवामध्ये दाखवण्यात आला

यामी गौतमचा ‘लॉस्ट’ हा थरारपट लवकरच प्रेक्षकांच्या भेटीला; ‘या’ ओटीटी प्लॅटफॉर्मवर होणार प्रदर्शित
फोटो सौजन्य : इन्स्टाग्राम

बॉलिवूडच्या अभिनेत्री कायमच आपल्या चित्रपटांमुळे, लुक्समुळे चर्चेत असतात. अभिनेत्री यामी गौतम अशीच एक बॉलिवूडची गुणी अभिनेत्री. आज तिचा वाढदिवस आहे. यामी गौतमचा जन्म हिमाचल प्रदेशच्या बिलासपुर येथे झाला. सध्या यामी चर्चेत आली आहे ती तिच्या आगामी चित्रपटामुळे., ‘लॉस्ट’ हा तिचा चित्रपट लवकरच ओटीटी प्लॅटफॉर्मवर प्रदर्शित होणार आहे.

यामीचा लॉस्ट हा चित्रपट एक थ्रिलर असून सत्य घटनांवर आधारित असणार आहे. एक नाट्यकर्मीच्या अचानक बेपत्ता होण्यामागची सत्यता जाणून घेण्यासाठी एक तरुण क्राईम रिपोर्टर कामाला लागतो अशी या चित्रपटाची कथा असणार आहे. श्यामल सेनगुप्ता यांनी चित्रपटाचे लेखन केले असून संवाद रितेश शाह यांचे आहेत. नुकताच हा चित्रपट गोव्यातील इफ्फी चित्रपट महोत्सवामध्ये दाखवण्यात आला.

आमिर खानच्या लेकीच्या साखरपुड्याला ‘दंगल’ गर्लने लावली हजेरी; पाहा फोटो

यामीदेखील या चित्रपटाबाबत उत्सुक आहे . हा चित्रपट झी ५ वर लवकरच प्रदर्शित होणार आहे. निर्मात्यांनी अजून तारीख जाहीर केली नाही . या चित्रपटाची निर्मिती झी स्टुडिओजने केली आहे. ‘लॉस्ट’ मध्ये पंकज कपूर, राहुल खन्ना, नील भूपालम, पिया बाजपी आणि तुषार पांडे यांच्याही प्रमुख भूमिका आहेत. अनिरुद्ध रॉय चौधरी यांनी चित्रपटाचे दिग्दर्शन केले आहे.

दरम्यान यामीने ‘चांद के पार चलो’ या मालिकेतून टेलिव्हिजनवर पदार्पण केलं. तसंच ती ‘यह प्यार न होगा कम’ मध्ये ती गौरव खन्ना बरोबर दिसली. यामीचा अभिनय प्रेक्षकांना आवडला त्यानंतर यामी गौतमी घराघरात ओळखली जाऊ लागली. त्यानंतर तिने ‘विक्की डोनर’ या चित्रपटातून बॉलिवूडमध्ये पदार्पण केलं. ‘उरी’, ‘काबिल’, ‘बाला’, ‘अ थर्सडे’ यासारख्या चित्रपटातही तिने काम केलं.

मराठीतील सर्व ओटीटी ( Ott ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 28-11-2022 at 19:48 IST
Next Story
‘कांटा लगा’फेम अभिनेत्री साकारणार सेक्स वर्करची भूमिका; म्हणाली, “ती वस्ती घाण आहे असा…”