अशोक सराफ यांचा ‘पुन्हा एकदा साडे माडे तीन’ आता घरबसल्या पाहता येणार, कधी व कुठे रिलीज होणार? जाणून घ्या…

त्यानंतर जवळपास २० वर्षांनी या चित्रपटाचा दुसरा भाग म्हणजेच ‘पुन्हा एकदा साडे माडे तीन’ हा चित्रपट प्रेक्षकांच्या भेटीला आला. यातही जुने त्रिकुट पुन्हा पाहायला मिळाले. १३ फेब्रुवारी रोजी हा चित्रपट सर्वत्र प्रदर्शित झाला होता. बॉक्स ऑफिसवर या चित्रपटाला संमिश्र प्रतिसाद मिळाला. अशातच आता हा चित्रपट ओटीटीवर प्रेक्षकांच्या भेटीला येणार आहे.

पुन्हा एकदा साडे माडे तीन ‘या’ दिवशी ओटीटीवर येणार

‘पुन्हा एकदा साडे माडे तीन’ आता वर्ल्ड डिजिटल प्रीमियरसह प्रेक्षकांच्या भेटीला येत आहे. येत्या १९ मार्च २०२६ पासून हा चित्रपट अल्ट्रा झकास मराठी या ओटीटी प्लॅटफॉर्मवर पाहता येणार आहे. हलक्याफुलक्या विनोदाने, कुरळे बंधूंच्या भन्नाट गोंधळाने आणि धमाल प्रसंगांनी भरलेला हा सिक्वेल प्रेक्षकांना पुन्हा एकदा हसण्याचा जबरदस्त अनुभव देणार आहे.

‘पुन्हा एकदा साडे माडे तीन’ या चित्रपटाचे लेखन व दिग्दर्शन अंकुश चौधरी यांनी केले आहे. या चित्रपटात अशोक सराफ, मकरंद अनासपुरे, भरत जाधव यांच्यासह सिद्धार्थ जाधव, संजय नार्वेकर, रिंकू राजगुरू, समृद्धी केळकर आणि संकेत पाठक हे कलाकारसुद्धा आहेत.

चित्रपटाची कथा रतन, चंदन आणि मदन या तीन विचित्र स्वभावाच्या भावांभोवती फिरते. तिघांचं एक गॅरेज असतं आणि तिथे त्यांनी एक कडक नियम बनवलेला असतो – “No Ladies, No Marriage!” पण अचानक घडलेल्या काही घटनांमुळे त्यांच्या आयुष्यात एका महिलेची एन्ट्री होते आणि मग काय गोंधळ उडतो, हे यात पाहायला मिळतं.

अल्ट्रा मीडिया अँड एंटरटेनमेंट प्रा. लि.चे सी.ई.ओ. सुशीलकुमार अग्रवाल म्हणाले, “अल्ट्रा झकासवर या चित्रपटाचा वर्ल्ड डिजिटल प्रीमियर सादर करताना आम्हाला आनंद होत आहे आणि प्रेक्षक याचा मनसोक्त आनंद घेतील, याची आम्हाला खात्री आहे. कुरळे बंधूंचा खळखळून हसवणारा हा चित्रपट प्रेक्षकांना कुटुंबाबरोबर पाहताना नक्कीच मजा येईल.”

‘पुन्हा एकदा साडे माडे तीन’ हा चित्रपट १९ मार्च २०२६ पासून अल्ट्रा झकास या मराठी ओटीटी प्लॅटफॉर्मवर प्रदर्शित होणार असून अल्ट्रा झकासने प्रेक्षकांसाठी १९ रुपयांपासून सुरू होणारी साप्ताहिक सबस्क्रिप्शनची सुविधा उपलब्ध करून दिली आहे. त्यामुळे ज्या प्रेक्षकांना थिएटरमध्ये जाऊन बघणे शक्य झाले नसेल, त्यांना आता हा चित्रपट घरबसल्या पाहता येणार आहे.