जेनिफर विंगेटने काही दिवसांपूर्वीच केले दुसरे लग्न; चाळिशीत प्रेमात पडण्याबद्दल म्हणाली…

“प्रेम केवळ रोमँटिक नात्यांपुरतं…”

हिंदुस्तान टाइम्सला दिलेल्या मुलाखतीत जेनिफर विंगेटने चाळिशीत प्रेमात असण्याबद्दल वक्तव्य केले. ती म्हणाली, “मला प्रेमाबाबत कायमच विश्वास वाटतो. प्रेम म्हणजे काय, हे पहिल्यांदा समजलं तेव्हापासूनच माझा प्रेमावर विश्वास आहे. माझ्यासाठी प्रेम म्हणजे केवळ जोडीदाराचं प्रेम नाही, तर कुटुंब आणि मित्रांचं प्रेमही आहे. जसजसं आपण मोठे होत जातो, तसतसं आयुष्यात मित्र आणि कुटुंबीयांचं प्रेम किती महत्त्वाचं आहे, याची जाणीव होते. प्रेम केवळ रोमँटिक नात्यांपुरतं मर्यादित नसतं.”

जेनिफर असेही म्हणाली की, ब्रेकअप झाल्यानंतरही आशादायी असायला हवं. ब्रेकअप झालं म्हणजे आयुष्य संपलं, असं नाही. ज्या प्रकारे मैत्रीच्या नात्यातही मतभेद, नाराजी आणि चढ-उतार येत असतात, त्याचप्रमाणे रिलेशनशिपमध्येही असे टप्पे येतात.

पुढे म्हणाली की, ब्रेकअप आयुष्याचा एक भाग आहे. नात्यांतील चांगल्या-वाईट गोष्टी स्वीकारणं महत्त्वाचं आहे. तुमचं मित्रांबरोबर भांडण होतं, कधी त्यांच्याशी मतभेद होतात, नात्यात दुरावा निर्माण होतो; पण आयुष्याची खरी मजा याच गोष्टींमध्ये आहे.

जेनिफरने नुकतीच इश्माएल विल्यम या सिंगापूरमधील उद्योगपतीशी लग्नगाठ बांधली आहे. १६ जुलै २०२६ रोजी तिने लग्नगाठ बांधली. तिने आधी यूकेमध्ये आणि त्यानंतर गोव्यात, असे दोन वेळा लग्न केले. हे जेनिफरचे दुसरे लग्न आहे.

याआधी तिने २०१२ मध्ये अभिनेता करण सिंह ग्रोव्हरबरोबर लग्न केले होते. मात्र, २०१४ मध्ये ते वेगळे झाले.