श्रुती मराठेच्या सीरिजला मिळाले तब्बल ३.१ कोटी व्ह्यूज, ओटीटीवर घालतेय धुमाकूळ, तुम्ही पाहिलीत का?

गोव्याच्या पार्श्वभूमीवर आधारित या सीरिजची कथा पेड्रो (अरशद वारसी) आणि प्रीतम (वीर हिरानी) यांच्या अनोख्या जोडीभोवती फिरते. पेड्रो हा जुन्या विचारांचा पोलीस अधिकारी आहे. त्याची बदली आयटी सेलमध्ये होते, तर प्रीतम हा टेक्नॉलॉजीमध्ये एक्सपर्ट असतो. तो कोडिंग जीनियस असतो, पण व्हॅक्यूम क्लिनर विकत असतो. एका चोरीमुळे ते दोघे भेटतात. त्यानंतर प्रीतम पेड्रोला सायबर क्राइमचे गुन्हे सोडवण्यास मदत करतो. पण पुढे प्रीतमच्याच बाबतीत असं काही घडतं की सर्वजण चक्रावतात. राजकुमार हिरानी यांच्या खास शैलीतील ही सीरिज तुम्हाला हसवते, विचार करायचा आणि शेवटपर्यंत पाहायला भाग पाडते.

सीरिजला मिळणारा प्रतिसाद पाहता ‘राजकुमार हिरानी फिल्म्स’ने नुकतीच सोशल मीडियावर एक खास पोस्ट शेअर करून प्रेक्षकांचे आभार मानले. या पोस्टच्या कॅप्शनमध्ये “प्रीतम अँड पेड्रो सतत लोकांच्या मनावर राज्य करत आहेत,” असं लिहिलंय.

प्रीतम अँड पेड्रोचा ट्रेलर

जिओ हॉटस्टारवरील ‘प्रीतम अँड पेड्रो’ला प्रेक्षकांचा उदंड प्रतिसाद मिळाला आहे. या सीरिजला आतापर्यंत ३.१ कोटींहून अधिक व्ह्यूज मिळाले आहे. तब्बल ७.३ कोटी वॉच आवर्ससह ही आतापर्यंतची सर्वाधिक पाहिली गेलेली सीरिज ठरली आहे.

अरशद वारसीने तर उत्तम काम केलंय. त्याचबरोबर श्रुती मराठेनेही तिची भूमिका उत्तमरित्या साकारली आहे. पण या सीरिजमध्ये सर्वाधिक लक्ष वेधून घेतलं ते प्रीतम साकारणाऱ्या वीर हिरानीने. वीरने आपल्या अभिनयाने प्रेक्षकांची मने जिंकली आहेत. सीरिजमधील त्याचा सहज अभिनय आणि स्क्रीन प्रेझेन्सचे प्रेक्षक आणि समीक्षकांकडून खूप कौतुक होत आहे. राजकुमार हिरानी आणि वीर हिरानी या बाप-लेकाच्या जोडीने सीरिजचा सध्या ओटीटीवर जलवा पाहायला मिळतोय.