‘दृश्यम’ पेक्षा दमदार सस्पेन्स, ‘महाराजा’च्या दुप्पट थरार; २ तास १५ मिनिटांच्या सिनेमाचा क्लायमॅक्स पाहून चक्रावून जाल

या चित्रपट केवळ थिएटरमध्येच नाही तर डिजिटल प्लॅटफॉर्मवरही खूप लोकप्रियता मिळाली. जर तुम्हालाही मिस्ट्री-थ्रिलर आणि सस्पेन्सने भरलेले चित्रपट पाहण्याची आवड असेल आणि या आठवड्याच्या शेवटी तुमच्या वॉचलिस्टमध्ये एक नवीन चित्रपटाचा समावेश नक्की करा. आज आम्ही ज्या चित्रपटाबद्दल तुम्हाला सांगतो, त्या क्राइम-थ्रिलरचा सस्पेन्स इतका जबरदस्त आहे की तो ‘दृश्यम’ आणि ‘महाराजा’ सारख्या चित्रपटांनाही मागे टाकतो. हा २ तास १५ मिनिटांचा चित्रपट कोणता, त्यात कलाकार होणते आहेत आणि तो कोणत्या ओटीटी प्लॅटफॉर्मवर उपलब्ध आहे? हे जाणून घेऊयात.

काय आहे चित्रपटाचं नाव?

आपण ज्या दाक्षिणात्य क्राइम थ्रिलर चित्रपटाबद्दल बोलत आहोत, त्याची कथा प्रेक्षकांना शेवटपर्यंत खिळवून ठेवते. या चित्रपटात नवीन चंद्रा आणि रिया हरी मुख्य भूमिकेत आहेत. शशांक, अभिरामी, दिलीपन, रितिका, आदुकलम नरेन, रवी वर्मा, अर्जाई आणि कीर्ती दमराजू यांच्याही भूमिका आहेत. १६ मे २०२५ रोजी चित्रपटगृहात प्रदर्शित झालेल्या या चित्रपटाचे नाव ‘इलेव्हन’ आहे.

‘इलेव्हन’ चित्रपटाची कथा काय?

‘इलेव्हन’ हा चित्रपट तेलुगू आणि तमिळ दोन्ही भाषांमध्ये एकाच वेळी शूट करण्यात आला होता. या सिनेमाची कथा एका सिरीयल किलरभोवती फिरते जो लोकांची निर्घृण हत्या करतो. नवीन चंद्राने इन्स्पेक्टर अरविंद ही भूमिका साकारली आहे. अरविंदवर हे प्रकरण सोडवण्याची जबाबदारी सोपवली जाते. तपास करताना अनेक धक्कादायक खुलासे होतात.

कुठे पाहायचा ‘इलेव्हन’ चित्रपट?

‘इलेव्हन’ चित्रपटाचे दिग्दर्शन लोकेश अजल यांनी केलं आहे. आता हा चित्रपट ओटीटी प्लॅटफॉर्म प्राइम व्हिडीओ आणि जिओ हॉटस्टारवर उपलब्ध आहे. हा चित्रपट तुम्ही आहा तमिळ या प्लॅटफॉर्मवर देखील पाहू शकता. नवीन चंद्राच्या या चित्रपटाला आयएमडीबीवर ७.४ रेटिंग मिळाले आहे.