स्वप्नील जोशीचा थ्रिलर-कॉमेडी गुजराती चित्रपट ओटीटीवर रिलीज, कुठे पाहाल? वाचा…

स्वप्नील जोशीने ‘झमकुडी’, ‘कच एक्स्प्रेस’ यांसारख्या चित्रपटांचं दिग्दर्शन केलेले दिग्दर्शक निसर्ग वैद्य यांच्या ‘शुभचिंतक’ या गुजराती चित्रपटात काम केलं आहे. यामध्ये त्याच्यासह अभिनेत्री मानसी पारेखही महत्त्वपूर्ण भूमिकेत आहे. ३० मे रोजी थिएटरमध्ये प्रदर्शित झालेल्या या चित्रपटाला प्रेक्षकांचा चांगला प्रतिसाद मिळाला होता, तर ‘शुभचिंतक’ हा सिनेमा समीक्षकांच्याही पसंतीस उतरला होता.

स्वप्नील जोशीचा गुजराती चित्रपट ओटीटीवर झालाय प्रदर्शित

स्वप्नील जोशी व मानसी पारेख यांचा हा थ्रिलर, कॉमेडी चित्रपट आता तुम्ही ओटीटीवरही पाहू शकता. ‘शुभचिंतक’ हा चित्रपट तुम्ही shemaroomeवर पाहू शकता. ‘शुभचिंतक’ चित्रपटाबद्दल बोलायचं झालं तर हा एक गुजराती थ्रिलर कॉमेडी चित्रपट आहे. यामध्ये मेघना नावाची मुलगी तिच्या मित्रांच्या मदतीने संजय नावाच्या व्यक्तीकडून बदला घेण्यासाठी प्लॅन करत असते, अशी काहीशी चित्रपटाची कथा आहे.

‘शुभचिंतक’ या चित्रपटात स्वप्नील जोशीने विश्वास ही भूमिका साकारली आहे. मानसी पारेखने मेघना ही भूमिका साकारली आहे. त्यांच्यासह या चित्रपटात दीप वैद्य, संजय मेहुळ हे कलाकार पाहायला मिळतात. स्वप्नील जोशीने यापूर्वीसुद्धा थ्रिलर कॉमेडी चित्रपटात काम केलं आहे. त्याने परेश मोकाशी दिग्दर्शित ‘वाळवी’ चित्रपटात महत्त्वपूर्ण भूमिका साकारली आहे. यामध्ये त्याच्यासह सुबोध भावे, शिवानी सुर्वे, अनिता दाते हे कलाकार पाहायला मिळालेले. त्याच्या या ट्रेलर कॉमेडी चित्रपटाला प्रेक्षकांचा चांगला प्रतिसाद मिळालेला. अशातच आता ‘शुभचिंतक’ हा थ्रिलर कॉमेडी चित्रपट थिएटरमध्ये जाऊन पाहता आला नसेल तर तुम्ही घर बसल्या ओटोटीवर पाहू शकता.

View this post on Instagram

A post shared by Daniish Shaikh (@daniishshaiikh)

दरम्यान, सध्या स्वप्नील जोशी त्याच्या एका नव्या कोऱ्या नाटकामुळे चर्चेत आहे. निपुण धर्माधिकारी दिग्दर्शित आणि मधुगंधा कुलकर्णी लिखित व निर्मित ‘लग्नपंचमी’ हे नाटक नवीन वर्षात प्रेक्षकांच्या भेटीला येणार आहे. अमृता व स्वप्नील पहिल्यांदाच नाटकातून एकत्र काम करत आहेत. जानेवारी महिन्यापासून प्रेक्षकांना त्यांचं हे नाटक पाहता येणार आहे.