‘आणि काय हवं’ म्हणत जुई आणि साकेत पुन्हा प्रेक्षकांच्या भेटीला

‘आणि काय हवं’चा तिसरा सिझन लवकरच प्रेक्षकांच्या भेटीला येणार आहे.

priya bapat, umesh kamat, aani kay hav season 3,
‘आणि काय हवं' सिझन ३ चा ट्रेलर लवकरच प्रेक्षकांच्या भेटीला येणार आहे.

बऱ्याच प्रतीक्षेनंतर आपल्या सर्वांची आवडती ऑफस्क्रीन जोडी प्रिया बापट आणि उमेश कामत पुन्हा एकदा ऑनस्क्रीन एकत्र येण्यासाठी सज्ज झाले आहेत. ‘आणि काय हवं’ मधील जुई आणि साकेत लवकरच आपल्या भेटीला येणार आहेत. एमएक्स एक्सक्लुझिव्ह आणि अ मिर्ची ओरिजनल्स क्रिएशन वर ‘आणि काय हवं’चा तिसरा सीझन लवकरच येत आहे.

‘आणि काय हवं’चा पहिला सीझन आला आणि बघता बघता त्याने प्रेक्षकांच्या मनात आपले स्थान निर्माण केले. जुई आणि साकेत प्रत्येकालाच आपल्या घरातीलच एक वाटू लागले. अल्पावधीतच त्यांनी प्रेक्षकांना आपलेसे केले. ‘आणि काय हवं’चे दोन्ही सीझन हिट ठरले होते.

 

View this post on Instagram

 

A post shared by Umesh Kamat (@umesh.kamat)

आता जुई आणि साकेत परत प्रेक्षकांच्या भेटीला येत आहेत. त्यांचे रुसवे फुगवे, त्यांच्या आयुष्यातील गंमतीजंमती, त्यांच्या कौटुंबिक आयुष्यात घडणाऱ्या छोट्या-मोठ्या घटना लवकरच प्रेक्षकांना पाहायला मिळणार आहेत. वरूण नार्वेकर दिग्दर्शित या गोड आणि गुणी जोडप्याची गोष्ट असलेल्या ‘आणि काय हवं’ सिझन ३ चा ट्रेलर २८ जुलै रोजी प्रेक्षकांच्या भेटीला येत आहे. चाहत्यांमध्ये या सीझन बाबत उत्सुकता पाहायला मिळते.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Priya bapat and umesh kamat aani kay hav season 3 will coming soon avb