प्रियांका चोप्राने शेअर केला ‘बॅकलेस लूक’

प्रियांका तिच्या इन्स्टाग्राम अकाऊंटवर बरीच सक्रीय असते. त्यामुळे तिने शेअर केलेला हा ‘बॅकलेस लूक’ सध्या अनेकांच्याच पसंतीला उतरत आहे. दरम्यान काही दिवसांपूर्वी सोशल मीडियावर प्रियांकाच्या अमेरिकेतील घराचे काही फोटो व्हायरल झाले होते. तसेच ‘फोर्ब्स’कडून जाहीर करण्यात येणाऱ्या जगात सगळ्यात जास्त कमाई करणाऱ्या टिव्ही अभिनेत्रींमध्ये प्रियांका आठव्या स्थानावर आहे. गेल्यावर्षी एबीसीच्या ‘क्वांटिको’मधून आपल्या आंतरराष्ट्रीय करिअरला सुरुवात करणाऱ्या प्रियांकाने या मालिकेतून १.१ कोटी डॉलर एवढी कमाई केली आहे.

वाचा: ‘देसी गर्ल’चा विदेशी आशियाना..

‘क्वांटिको २’ च्या चित्रिकरणात व्यस्त असणारी प्रियांका एका नव्या अंदाजात रसिकांसमोर येणार आहे. या सिरीजमध्ये तिच्यासह जॅक मॅकलाफलिन, जोहाना ब्रॅडी आणि यास्मिन अल मास्री यांच्याही भूमिका आहेत. याव्यतिरीक्त प्रियांका ‘बेवॉच’ या चित्रपटासह हॉलीवूडमध्ये पदार्पण करत आहे. या चित्रपटात अलेक्झांड्रा दद्दारिओ, इलफेनेश हॅडेरा आणि केली या अभिनेत्री तसेच ड्वेन जॉन्सन (रॉक), झॅक एफरॉन, जॉन बॅस हे कलाकारही झळकणार आहेत. येणाऱ्या काळात प्रियांकाच्या अभिनयाचा चढता आलेख पाहणे अनेकांसाठी औत्सुक्याचे ठरणार आहे यात शंकाच नाही.

वाचा: जगातल्या महागड्या टिव्ही अभिनेत्रींमध्ये आता प्रियांका चोप्राही

A #Sundaze in #Nyc ….

A photo posted by Priyanka Chopra (@priyankachopra) on Sep 11, 2016 at 1:53pm PDT