“बायकोने सर्वांसमोर…”, आर. माधवन ‘या’ ५ गोष्टी आपल्या मराठमोळ्या पत्नीला विचारायला लाजतो

माधवनने त्याच्या इन्स्टाग्राम स्टोरीवर ‘पुरुषांना आवडणाऱ्या ५ सवयी, ज्या पत्नीला सांगण्यास ते लाजतात’ या विषयावरील एक पोस्ट शेअर केली. त्यामध्ये खालील गोष्टी नमूद केल्या होत्या-

• १. कधीकधी तिने पुढाकार घ्यावा.

• २. सर्वांसमोर तिने त्याचे कौतुक करावे.

• ३. कधीकधी अनपेक्षितपणे अचानक प्रेम व्यक्त करावे.

• ४. त्याच्यावर असलेला विश्वास स्पष्टपणे बोलून दाखवावा.

• ५. बाहेरच्या लोकांपेक्षा पतीला जास्त महत्त्व द्यावे.

काही महिन्यांपूर्वी रणवीर अलाहाबादियाच्या पॉडकास्टमध्ये आर. माधवनने, तो बॉलीवूड अभिनेता असूनही त्याचं लग्न इतकी वर्षे यशस्वीरीत्या कसं टिकलं, याबद्दल भाष्य केलं होतं. तो म्हणाला, “इतर कोणत्याही जोडप्याप्रमाणे आमचीही तितकीच भांडणं होतात. पण आमच्या मनात एकमेकांबद्दल खूप आदर आहे. सरितासाठी मी केवळ एखादा मोठा स्टार किंवा अभिनेता नाही, ज्याची पत्नी असल्याचा तिने अभिमान बाळगावा. तिच्या दृष्टीने मी तिचा तोच जोडीदार आहे, ज्याने तिच्यावर प्रेम केलं आणि जो तिचा आदर करतो. त्याचबरोबर ती माझ्या आयुष्यात असल्याने मी किती नशीबवान आहे याची जाणीव करून देण्याची एकही संधी मी सोडत नाही.”

८ वर्षे डेटिंग व लग्नाच्या ६ वर्षांनंतर २००५ मध्ये माधवन आणि सरिता बिर्जे यांना मुलगा झाला. त्याचं नाव वेदांत आहे. वेदांतने वडिलांप्रमाणे अभिनय क्षेत्र न निवडता वेगळं करिअर निवडलं. वेदांत उत्तम जलतरणपटू आहे आणि त्याला त्यातच करिअर करायचं आहे. २०१९ मध्ये वेदांतने ‘एशियन एज ग्रुप स्विमिंग चॅम्पियनशिप’मध्ये भारतासाठी रौप्य पदक जिंकलं होतं.