बॉलिवूडमधील बेस्ट कपलच्या यादीमध्ये राजकुमार राव आणि त्याची पत्नी पत्रलेखाचंही नाव आवर्जुन घेतलं जातं. दोघंही सोशल मीडियाद्वारे एकमेकांबरोबरचे फोटो, व्हिडीओ पोस्ट करत असतात. आता देखील राजकुमार-पत्रलेखाचा एक डान्स व्हिडीओ सोशल मीडियावर तुफान व्हायरल होत आहे. हा व्हिडीओ एका पार्टीदरम्यानचा आहे. राजकुमारचा कधीही न पाहिलेला अवतार या व्हिडीओमध्ये पाहायला मिळतो. आणखी वाचा - VIDEO : ए आर रहमान यांच्या लेकीचा ग्रँड रिसेप्शन सोहळा, बॉलिवूडच्या दिग्गज मंडळींची हजेरी राजकुमारने त्याच्या अधिकृत इन्स्टाग्राम अकाऊंटवरुन पत्रलेखाबरोबरचा आपला डान्स व्हिडीओ शेअर केला. या व्हिडीओमध्ये बॉलिवूडचं हे कपल बेभान होऊन नाचताना दिसत आहे. 'सपने में मिलता है' या हिंदी गाण्यावर हे दोघं डान्स करत आहेत. तसेच राजकुमार पत्नीबरोबर डान्स करताना अगदी आनंदी दिसत आहे. "तुमचा जोडीदारच जर उत्तम डान्स पार्टनर असेल तर…" असं हटके कॅप्शन राजकुमारने व्हिडीओ शेअर करताना दिलं आहे. राजकुमार-पत्रलेखाने या पार्टीमध्ये डान्स करत सगळ्यांचं लक्ष आपल्याकडे वेधून घेतलं होतं. या दोघांमध्ये असणारं प्रेम आणि हे जोडपं खऱ्या आयुष्यात किती मजा-मस्ती करत असणार हे या व्हिडीओमधून स्पष्टपणे दिसून येत आहे. आणखी वाचा - VIDEO : जस्टिन बीबरच्या चेहऱ्याला झाला अर्धांगवायू, गंभीर आजाराशी करतोय सामना, शो देखील केले रद्द जवळपास ११ वर्ष राजकुमार-पत्रलेखाने एकमेकांना डेट केलं. अखेरीस २०२१मध्ये राजकुमार-पत्रलेखा विवाहबंधनात अडकले. त्यांच्या लग्नाची बरेच दिवस चर्चा रंगली. इतकंच नव्हे तर या सेलिब्रिटी कपलचे लाखो चाहते. दोघांच्या फोटो-व्हिडीओला देखील नेटकऱ्यांची चांगली पसंती मिळताना दिसते.
