अभिनेता रणबीर कपूर लवकरच ‘शमशेरा’ आणि ‘ब्रह्मास्‍त्र’ या सिनेमांमधून प्रेक्षकांच्या भेटीला येणार आहे. शिवाय त्यापूर्वीच रणबीर आणि आलियाने त्यांच्या चाहत्यांना गोड बातमी दिली आहे. रणबीर लवकरच बाबा होणार आहे. आलिया भट्टने एक फोटो शेअर करत तिच्या प्रेगेंन्सीची बातमी शेअर केली होती. तेव्हापासून रणबीर कपूरही चर्चेत आला आहे. एवढचं काय तर गुगलवरही रणबीरबद्दल सर्वात जास्त सर्च केलं जात आहे.

या बातमीसह सर्व प्रीमियम कंटेंट वाचण्यासाठी साइन-इन करा

रणबीरबद्दल गुगलवर असे चार प्रश्न सर्वाधिक सर्च केले जात आहेत जे ऐकून कदाचित तुम्ही हैराण व्हाल. रणबीरची पहिली पत्नी कोण? तसंच त्याला कोणता आजार आहे? अशा काही विचित्र प्रश्नांची उत्तरं नेटकरी गुगलवर सर्च करत आहेत.

रणबीर कपूरची पहिली पत्नी कोण?

१४ एप्रिल २०२२ रोजी रणबीर कपूर आणि आलिया भट्ट विवाहबंधनात अडकले. काही वर्षांच्या रिलेशनशिपनंतर दोघांनी लग्न करण्याचा निर्णय घेतला. आलियाआधी रणबीरने दीपिका पदूकोण आणि कतरिना कैफ या दोघींना डेट केलं होतं. मात्र दीपिकाने रणवीर सिंहशी तर कतरिनाने विकी कौशलशी लग्न करून रणबीरच्या आधीच संसार थाटला आहे. त्यामुळे रणबीरचं हे पहिलंच लग्न आहे. असं असलं तरी नेटकरी मात्र गुगलवर रणबीरची पहिली पत्नी कोण? असं सर्च करत आहेत.

रणबीर कपूर इंस्‍टाग्रामवर का नाही?

सध्याचा काळ हा सोशल मीडियाचा काळ आहे. सेलिब्रिटी इन्स्टाग्रामवरून चाहत्यांशी संवाद साधतात, सिनेमाचं प्रमोशन करतात आणि रोजच्या आयुष्यातील घडामोडी शेअर करत असतात. अशात रणबीर कपूर मात्र इन्स्टाग्रामवर नाही. रणबीरचं इन्स्टाग्रामवर अधिकृत अकाऊंट नसलं तरी इतरांच्या पोस्ट पाहण्यासाठी त्याने एक फेक अकाऊंट तयार केलंय. होय, करिना कपूरसह बॉलिवूडमधील काही सेलिब्रिटींनी याचा खुलासा केलाय.

रणबीर कपूरला कोणता आजार आहे?

अनेक नेटकऱ्यांनी गुगलवर रणबीरला कोणता आजार आहे हे सर्च केलंय. रणबीरला नेजल सेप्‍टम डेविएशन (Nasal Septum Deviation Disease) हा आजार आहे. २०१३ साली आलेल्या ‘ये जवानी है दीवानी’ या सिनेमाच्य़ा प्रमोशनवेळी रणबीरने स्वत: या गोष्टीचा खुलासा केला होता. या आजारामुळे वास घेण्याची क्षमता कमी होती.

रणबीर कपूर आणि करिना कपूरमध्ये काय नातं?

करीना कपूर आणि रणबीरचं काय नातं आहे? हे जाणून घेण्यासाठीही नेटकरी उत्सुक आहेत. म्हणूनच रणबीर कपूर आणि करिना कपूरमध्ये काय नातं आहे? हे गुगलवर मोठ्या प्रमाणात सर्च केलं जातं. रणबीरचे वडील दिवंगत अभिनेते ऋषि कपूर आणि करिनाचे वडील रणधीर कपूर हे सख्खे भाऊ आहेत. म्हणजेच रणबीर आणि करीना चुलत भावंड आहेत.

एकंदर रणबीर कपूर बाबा होणार ही बातमी कळताच रणबीरबद्दल बरचं काही जाणून घेण्यासाठी चाहते आतुर झाल्याचं दिसतं आहे.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Ranbir kapoor first wife nasal septum deviation disease kareena kapoor sister kpw
First published on: 07-07-2022 at 21:18 IST