“वेश्या व्यवसाय करणारी स्त्री चारित्र्यहीन अन् बाकीचे…”; ‘फँड्री’तल्या ‘शालू’ची पोस्ट चर्चेत

सध्या तिची ही पोस्ट सोशल मीडियावर प्रचंड व्हायरल होताना दिसत आहे.

नागराज मंजुळे यांचा ‘फॅन्ड्री’ हा चित्रपट सुपरहिट ठरला. या चित्रपटातून ग्रामीण महाराष्ट्राचं धगधगतं समाजवास्तव प्रेक्षकांसमोर मांडलं. या चित्रपटातील जब्या आणि शालूच्या जोडीनं प्रेक्षकांची मनं जिंकली. ‘फँड्री’चित्रपटातील शालू म्हणजेच अभिनेत्री राजेश्वरी खरात पुन्हा एकदा चर्चेत आली आहे. राजेश्वरी खरात हिची ‘रेड लाईट’ नावाची एका शॉर्ट फिल्म नुकतंच रिलीज झाली. यात ‘रेडलाईट’ परिसरात काम करणाऱ्या महिलांबाबतचे विदारक वास्तव्य मांडण्यात आलं आहे. नुकतंच राजेश्वरीने याबाबत एक भावनिक इन्स्टाग्राम पोस्ट शेअर केली आहे. सध्या तिची ही पोस्ट सोशल मीडियावर प्रचंड व्हायरल होताना दिसत आहे.

“तो आला, बसला, आणि गेला पण सर्वांच्या नजरा मात्र तिच्यावरच अडल्या. स्त्रीने असे काम करणे योग्य नव्हे. परंतु पुरुषाने केलेले अतिउत्तम. काही काम धंदा का करीत नाहीस, फक्त पैश्यांसाठी लाचारीचे सोंग घेतीस. पण तुम्ही तुमच्या घरात धुणे भांड्याचे तरी काम देताल का एवढेच सांगा, आणि जरी काम दिले तरी त्या मागचा हेतू हा सर्वांनाच माहिती असतो. गल्लीकडे येताना तोंड लपवून येतात पण येतात मात्र नक्की. थोडावेळसाठीच खेळणं घेतल्यासारखं आमची आबरू काढून घेता आणि मोबाईलच्या रिचार्ज पेक्षा कमी किंमत देता. सर्वांना हे खेळण आयुष्यात एकदातरी पाहिजे असतच पण कोणी याला कायमच आपलं करून घेण्याची हिंमत ठेवतात का? नाही, कारण वेश्या व्यवसाय करणारी स्त्री चारित्र्यहीन असते आणि बाकीचे सर्व अगदीच पवित्र असतात,” अशा शब्दात राजेश्वरीने या सर्व गोष्टींवर टीका केली आहे.

“समाजात आणखी बर्‍याच काही गोष्टी वेश्येबद्दल बोलल्या जातात पण कोणी मात्र कधी त्यांच्या हितात बोलत नाही, सर्वजण फक्त ऐकून मजा घेतात. कृपया थोडीफार दया त्यांच्यावरही करा. ज्या आपल्या घरातील माता भगिनींसारखे आयुष्य कधीच जगू शकत नाहीत,” अशी विनंतीही तिने तिच्या या पोस्टमधून केली आहे.

दरम्यान राजेश्वरी खरातने नुकतंच रेडलाईट नावाच्या एका शॉर्ट फिल्ममध्ये काम केले आहे. यात रेड लाईट परिसरात वेश्या व्यवसाय करणाऱ्या महिलांबाबतचे विदारक चित्र मांडले आहे. अवघ्या चार दिवसांपूर्वी युट्यूबवर ही शॉर्ट फिल्म प्रदर्शित करण्यात आली. त्यानंतर दोन दिवसांनी तिने ही पोस्ट शेअर केली आहे. सध्या तिची ही पोस्ट फार व्हायरल होत आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Red light marathi film fandry fame actress rajeshwari kharat instagram post viral nrp

Next Story
चित्रगीत : सॅक्रेड चॅण्टस ऑफ शक्ती
ताज्या बातम्या