‘तुम्ही दोघांनी मुलांना खूप चांगले संस्कार दिले आहेत’, व्हिडीओ पाहिल्यानंतर नेटकऱ्यांनी रितेश आणि जिनेलियाचं केलं कौतुक

रितेशच्या मुलांचा हा व्हिडीओ सोशल मीडियावर प्रचंड व्हायरल झाला आहे.

riteish deshmukh, Genelia Deshmukh, ganpati chaturthi
रितेशच्या मुलांचा हा व्हिडीओ सोशल मीडियावर प्रचंड व्हायरल झाला आहे.

गणपती बाप्पा कधी येणार याची आतुरता सगळ्या भक्तांना लागली असते. आज गणेश चतुर्थी आहे. सर्वसामान्य जनतेपासून सेलिब्रिटींपर्यंत प्रत्येक व्यक्ती गणेशोत्सव आनंदाने आणि उत्साहाने साजरा करते. बॉलिवूड अभिनेता रितेश देशमुखच्या घरी गणपती बाप्पाचे आगमन झाले आहे. या निमित्ताने त्याने सोशल मीडियावर एक व्हिडीओ शेअर केला आहे. हा व्हिडीओ सोशल मीडियावर प्रचंड व्हायरल झाला आहे. त्यानंतर नेटकऱ्यांनी रितेश आणि जिनेलियाचे कौतुक केले आहे.

दरवर्षी रितेशच्या घरी गणपती बाप्पाचे आगमण होते, त्याप्रमाणे यंदाच्या वर्षीही रितेशने गणपती बाप्पाचे स्वागत केले आहे. रितेशने हा व्हिडीओ त्याच्या इन्स्टाग्राम अकाऊंटवरून शेअर केला आहे. या व्हिडीओत रितेशचे दोन्ही मुलं रियान आणि राहिल दिसत आहेत. हे दोघं गणपती बाप्पाची आरती बोलताना दिसत आहेत. या व्हिडीओत दोघेही खूप क्यूट दिसत आहेत. रियान आणि राहिल दोघांनीही एकसारखे कपडे परिधान केले आहेत. त्यांनी पांढऱ्या रंगाचा कुर्ता-पजामा आणि त्यावर गुलाबी रंगाचं जॅकेट परिधान केलं आहे. हा व्हिडीओ शेअर करत ‘गणपती बाप्पा मोरया’ असे कॅप्शन रितेशने दिले आहे.

आणखी वाचा : ‘माझ्या वैवाहिक जीवनात मोठी समस्या आलीये’; KBC 13 होस्ट करताना अमिताभ यांचं वक्तव्य

 

View this post on Instagram

 

A post shared by Riteish Deshmukh (@riteishd)

आणखी वाचा : ‘बेटा’ चित्रपटामुळे बोनी कपूर आणि श्रीदेवीचं झालं होतं मोठं भांडण

riteish deshmukh, riyan and rahil,
नेटकऱ्यांनी रितेशच्या या व्हिडीओवर कमेंट करत त्याची आणि जिनेलियाचे कौतुक केले आहे.

रितेशने हा व्हिडीओ शेअर केल्यानंतर काही वेळातच हा व्हिडीओ सोशल मीडियावर प्रचंड व्हायरल झाला आहे. हा व्हिडीओ ३ लाख पेक्षा जास्त लोकांनी पाहिला आहे. रियान आणि राहिलचा हा व्हिडीओ नेटकऱ्यांना प्रचंड आवडला आहे. या व्हिडीओवर कमेंट करत ते रियान, राहिल आणि रितेशची स्तुती करत आहेत. ‘खूप चांगली गोष्ट आहे, मुलांना आपल्या धर्माविषयी माहित असायला पाहिजे.’ दुसरा नेटकरी म्हणाला, ‘व्वा तुम्ही दोघांनी मुलांना खूप चांगले संस्कार दिले आहेत, देवाचा आशीर्वाद तुमच्यावर राहो’, अशा अनेक कमेंट करत नेटकऱ्यांनी रितेश आणि जिनेलीयाची स्तुती केली आहे.

 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Riteish deshmukh sons riyan and rahil worshiped ganpati bappa video goes viral dcp

Next Story
गॉसिप
ताज्या बातम्या